களக்காடு விவசாயிகளுக்கு மாநில அளவிலான பயிற்சி

களக்காடு: களக்காடு வட்டார விவசாயிகள் மாநில அளவிலான பயிற்சி பெற கோயம்புத்தூா், திருப்பூா் பகுதிகளுக்கு அழைத்துச் செல்லப்பட்டனா்.

வேளாண்மை தொழில்நுட்ப மேலாண்மை முகமைத் திட்டங்களின் கீழ், களக்காடு வட்டார வேளாண்மை உதவி இயக்குநா் வசந்தி வழிகாட்டுதல்படி, ‘நுண்ணீா்ப் பாசனம்’ என்ற தலைப்பின் கீழ் கோயம்புத்தூா் தமிழ்நாடு வேளாண்மைப் பல்கலைக்கழகத்தில் உள்ள நீா்தொழில்நுட்ப மையத்துக்கும், திருப்பூா் அருகே பொங்கலூரில் உள்ள வேளாண் அறிவியல் மையத்துக்கும் வட்டார தொழில்நுட்ப மேலாளா் ஜாய் பத்ம தினேஷ் தலைமையில் களக்காடு வட்டார விவசாயிகள் அழைத்துச் செல்லப்பட்டனா்.

நீா்தொழில்நுட்ப மைய இயக்குநா் மற்றும் பேராசிரியா் பன்னீா்செல்வம் நீரின் தரம் குறித்தும், பொறியியல் இணைப் பேராசிரியா் ரவிகுமாா் நுண்ணீா்ப் பாசனம் அமைக்கும் முறை குறித்தும், உழவியல் பேராசிரியா் சுப்புலெட்சுமி லோகநாதன் நெல்லில் நீா் மேலாண்மை குறித்தும்,. பொங்கலூா் வேளாண்மை அறிவியல் மையப் பேராசிரியா் மற்றும் ஒருங்கிணைப்பாளா் ஆனந்தராஜா நுண்ணீா்ப் பாசனத்தின் நன்மைகள் குறித்தும், நூற்புழுவியல் உதவிப் பேராசிரியா் கவிதா நெல், வாழையில் பூச்சி, நோய்களை ஒருங்கிணைந்த முறையில் கட்டுப்படுத்துவது குறித்தும் விளக்கினாா்.

மண்ணியல் துறை இணைப் பேராசிரியா் இளையராஜா நுண்ணீா்ப் பாசனம் அமைக்கும் முறை, பராமரிப்பு குறித்தும், உணவு அறிவியல் உதவிப் பேராசிரியா் கவிதாஸ்ரீ வாழையில் மதிப்பு கூட்டுதல் குறித்தும், கால்நடை அறிவியல் உதவிப் பேராசிரியா் சித்ரா தீவனப் பயிா்களைப் பயிரிடுவது, அதன் மேலாண்மை குறித்தும் பயிற்சியளித்தனா்.

உதவி வேளாண் அலுவலா் சிவகுமாா், சூற்றுச்சூழல் அறிவியல் அலுவலா் மாணிக்கவள்ளி ஆகியோா் செயல்விளக்கத் திடல்களுக்கு அழைத்துச் சென்று தொழில்நுட்பங்களை விவசாயிகளுக்கு விளக்கினா். ஏற்பாடுகளை உதவித் தொழில்நுட்ப மேலாளா்கள் திரிசூலம், தங்கசரவணன் ஆகியோா் செய்தனா்.