அம்பையில் விவசாயிகள், விஞ்ஞானிகள் கூட்டாய்வு

அம்பாசமுத்திரம் வட்டார வேளாண்மை தொழில்நுட்ப மேலாண்மை முகமை திட்டங்களின் உறுதுணை சீரமைப்புத் திட்டத்தின்கீழ் விவசாயிகள், விஞ்ஞானிகள் விரிவாக்க அலுவலா்களுக்கான வயல்வெளிக் கூட்டாய்வு திங்கள்கிழமை நடைபெற்றது.

அம்பாசமுத்திரம் வட்டார வேளாண் உதவி இயக்குனா் உமாமகேஸ்வரி தலைமையில் மன்னாா்கோவில் மற்றும் ஜமீன்சிங்கம்பட்டி பகுதிகளில் அம்பாசமுத்திரம் வேளாண் நெல் ஆராய்ச்சி நிலைய உதவிப் பேராசிரியா் ராம் ஜெகதீஷ் பூச்சி தாக்கிய வயல்களில் ஆய்வு செய்தாா். நெல் வயல்களில் ஆங்காங்கே இலை சுருட்டுப் புழு மற்றும் குருத்து ஈ தாக்கம் காணப்பட்டது. இதையடுத்து சுருட்டுப்புழு மற்றும் குருத்து ஈ தாக்கம் காணப்பட்ட வயல்களுக்கு அதற்குரிய மருந்து தெளிக்குமாறு விவசாயிகளுக்கு அறிவுறுத்தினாா்.

ஆய்வின்போது வேளாண்மை அலுவலா் மாசாணம், வட்டார தொழில்நுட்ப மேலாளா் ஈழவேணி, உதவி வேளாண்மை அலுவலா்கள் காசிராஜன், பாா்த்தீபன், விவசாயிகள் உடனிருந்தனா். ஆய்விற்கான ஏற்பாடுகளை உதவி தொழில்நுட்ப மேலாளா் ஸ்ரீஐயப்பன் செய்திருந்தாா்.