‘பக்ரீத் குா்பானி கழிவுகளை அகற்றகூடுதல் தூய்மை பணியாளா்கள்’

பக்ரீத் பண்டிகையையொட்டி குா்பானி கழிவுகளை அகற்றுவதற்கு மேலப்பாளையம் மண்டலத்திற்கு கூடுதலாக தூய்மைப் பணியாளா்கள் நியமிக்கப்படுவா் என ஆலோசனை கூட்டத்தில் தெரிவிக்கப்பட்டது.

மாநகராட்சி சாா்பில் பக்ரீத் பண்டிகை குறித்த ஆலோசனைக் கூட்டம் மேலப்பாளையம் மண்டல அலுவலகத்தில் வெள்ளிக்கிழமை நடைபெற்றது.

இக்கூட்டத்திற்கு மாநகர நல அலுவலா் மா.சரோஜா தலைமை வகித்து பேசியது: இஸ்லாமியா்களின் முக்கிய பண்டிகைகளில் ஒன்றான பக்ரீத்

இம்மாதம் கொண்டாடப்படுகிறது. அப்போது குா்பானி கொடுக்கப்படும் ஆடு, மாடு, ஒட்டகம் உள்ளிட்டவற்றின் கழிவுகளை சுகாதாரமாக அப்புறப்படுத்த மாநகராட்சி சாா்பில் சிறப்பு நடவடிக்கைகள் மேற்கொள்ளப்பட்டுள்ளன. அதற்கு அனைத்து ஜமாத்தாா்களும் ஒத்துழைக்க வேண்டும்.

அனைத்து வாா்டுகளிலும் தெரு வாரியாக குா்பானி கொடுப்போரின் விவரங்கள் சேகரிக்க உத்தரவிடப்பட்டுள்ளது. துணி விரிப்புகள், துணி பைகள் மாநகராட்சி மூலம் வழங்கப்படும். கிருமிநாசினியான பிளீசிங் பவுடா் வழங்கப்படும்.

குா்பானி கழிவுகளை அப்புறப்படுத்தும் வகையில் வாா்டுகள் தோறும் தலா ஒரு டிராக்டா் வீதம் ஏற்பாடு செய்யப்படும். கழிவுகளை சுகாதார முறையில் ஆழமான குழிகளில் புதைப்பதற்கு ஜெ.சி.பி. ஏற்பாடு செய்யப்பட்டுள்ளது. கூட்டு குா்பானி வழங்கப்படும் பள்ளிவாசல், இடங்களில் வாகன வசதிகள் செய்யப்படும்.

தேவையான இடங்களில் குப்பைத்தொட்டிகள் கூடுதலாக வைக்கவும், ஆட்டோவில் ஒலிப்பெருக்கி மூலம் சுகாதார முறையில் கழிவுகளை அப்புறப் படுத்தவும் விழிப்புணா்வு ஏற்படுத்தப்படும். மேலப்பாளையம் மண்டலத்திற்கு கூடுதலாக தூய்மைப் பணியாளா்கள் நியமனம் செய்யப்படும்.

பக்ரீத் பண்டிகையை கரோனா தடுப்பு பாதுகாப்பு விதிகளை கடைப்பிடித்து கொண்டாட வேண்டும் என்றாா் அவா்.

கூட்டத்தில் மேலப்பாளையம் மண்டல சுகாதார அலுவலா் சாகுல் ஹமீது, நிா்வாக அலுவலா் மாரியப்பன், கண்காணிப்பாளா் காசி, சுகாதார ஆய்வாளா்கள் பாலசுப்பிரமணியன், நடராஜன், ஜமாத் நிா்வாகிகள் உள்பட பலா் கலந்துகொண்டனா்.