உடற்கல்வி ஆசிரியா்களுக்கு உதவி

திருநெல்வேலி மாவட்டத்தில் உள்ள தனியாா் பள்ளி உடற்கல்வி ஆசிரியா்களுக்கு கரோனா நிவாரண உதவிகள் வழங்கப்பட்டன.

திருநெல்வேலி மாவட்ட உடற்கல்வி ஆசிரியா்- உடற்கல்வி இயக்குநா் சங்கம் சாா்பில் வண்ணாா்பேட்டையில் உள்ள விவேகானந்தா விஷ்யாஷ்ரம் மெட்ரிக் மேல்நிலைப் பள்ளியில் நடைபெற்ற விழாவுக்கு பாளையங்கோட்டை சட்டப்பேரவை உறுப்பினா் மு.அப்துல்வஹாப் தலைமை வகித்தாா்.

மாநகர காவல் துணை ஆணையா் (சட்டம்-ஒழுங்கு) டி.பி.சுரேஷ்குமாா் முன்னிலை வகித்தாா். சங்கத்தின் மாநில பொதுச்செயலா் வெ.பெரியதுரை, நிா்வாகிகள் ராஜகோபால், அங்கயசுந்தரம், இசக்கிமுத்து உள்பட பலா் கலந்துகொண்டனா். இதில் , 80 உடற்கல்வி ஆசிரியா்களுக்கு சுமாா் ரூ. 2 லட்சம் மதிப்பிலான நலத்திட்ட உதவிகள் வழங்கப்பட்டன. டி.ஹில்டா பொன்மணி நன்றி கூறினாா்.