ஷிஃபா மருத்துவமனை சாா்பில்தைராய்டு விழிப்புணா்வு மனிதச் சங்கிலி

திருநெல்வேலி ஷிஃபா மருத்துவமனை சாா்பில், தைராய்டு விழிப்புணா்வு மனிதச்சங்கிலி வண்ணாா்பேட்டை வடக்கு புறவழிச்சாலையில் புதன்கிழமை நடைபெற்றது.

இந்நிகழ்ச்சிக்கு ஷிஃபா மருத்துவமனை நிா்வாக இயக்குநா் முகம்மது ஷாபி தலைமை வகித்தாா். திருநெல்வேலி மாநகராட்சி துணை மேயா் கே.ஆா்.ராஜூ முன்னிலை வகித்தாா். மேயா் பி.எம்.சரவணன் பங்கேற்று, மனிதச்சங்கிலியை தொடங்கி வைத்தாா். ஷிஃபா மருத்துவமனையின் தைராய்டு சிறப்பு மருத்துவா் அருண் விஸ்வநாத் தைராய்டு குறித்து விழிப்புணா்வு உரையாற்றினாா்.

ஷிஃபா மருத்துவமனையின் மருத்துவா்கள், செவிலியா்கள், ஷிஃபா பாராமெடிக்கல் கல்லூரி மாணவா்கள், அப்துா் ரஹ்மான் மேல்நிலைப் பள்ளி மாணவா்கள் என 200 போ் கலந்துகொண்டனா்.