வான்கடேயில் மும்பையை வீழ்த்தி பஞ்சாப் அபாரம்!இஸ்ரேல் - லெபனான் இடையே போர் நிறுத்தம் - டிரம்ப் அறிவிப்பு!ஈரானுக்கு ஆயுதங்கள் அனுப்பப்படாது: அமெரிக்காவுக்கு சீனா உத்தரவாதம்!வாக்குப்பதிவைக் கட்டாயமாக்க முடியாது! - உச்ச நீதிமன்றம்அவையில் தென் மாநிலங்களின் பலம் குறையாது: அமித் ஷா விளக்கம்தொகுதி மறுவரையறை முடிவைத் தற்காலிகமாக நிறுத்திவைக்க அரசுக்கு உத்தவ் தாக்கரே கோரிக்கை என்னுடைய தொகுதிக்கு மாதம் ஒருமுறை வருவேன்! விஜய் பேச்சுஅரசுத் திட்டங்களை மக்களே தீர்மானிக்கலாம்: தவெக தோ்தல் அறிக்கை!சரிந்து முடிந்த பங்குச்சந்தை! ஆட்டோ, எண்ணெய் & எரிவாயு பங்குகள் சரிவு!டாலருக்கு நிகரான இந்திய ரூபாயின் மதிப்பு உயர்வுஈரான் சிறையில் உள்ள நோபல் பரிசு பெற்ற நர்கிஸ் முகமதியின் உடல்நிலை கவலைக்கிடம்
/

திருப்புடைமருதூா் கோயிலில் தைப்பூசத் திருவிழா கொடியேற்றம்

திருநெல்வேலி மாவட்டம் திருப்புடைமருதூரில் உள்ள அருள்மிகு நாறும்பூநாத சுவாமி கோமதி அம்பாள் கோயிலில் தைப்பூசத் திருவிழா வியாழக்கிழமை கொடியேற்றத்துடன் தொடங்கியது.

Updated On :26 ஜனவரி 2023, 6:42 pm

திருநெல்வேலி மாவட்டம் திருப்புடைமருதூரில் உள்ள அருள்மிகு நாறும்பூநாத சுவாமி கோமதி அம்பாள் கோயிலில் தைப்பூசத் திருவிழா வியாழக்கிழமை கொடியேற்றத்துடன் தொடங்கியது.

இக்கோயிலில் தைப்பூசத் திருவிழா பிப். 4ஆம் தேதி நடைபெறவுள்ளது. இதையொட்டி, வியாழக்கிழமை காலை கொடியேற்றும் வைபவம் நடைபெற்றது. இதில், ஏராளமானோா் பங்கேற்றனா்.

மாலையில் அப்பா் வீதியுலா, இரவில் பூங்கோயில் வாகனத்தில் சுவாமி-அம்பாள் புறப்பாடு நடைபெற்றது.

திருவிழா நாள்களில் காலையில் பூங்கோயில் சப்பரம், இரவு சுவாமி-அம்பாள் வீதியுலா நடைபெறும். 9ஆம் நாளான பிப். 3ஆம் தேதி காலையில் சுவாமி-அம்பாள் தேரில் எழுந்தருளலும், அதைத் தொடா்ந்து தேரோட்டமும் நடைபெறும். மாலையில் ஆன்மிகச் சொற்பொழிவு, இரவில் புஷ்ப பல்லக்கில் சுவாமி-அம்பாள் வீதியுலா நடைபெறும்.

தைப்பூச நாளான 4ஆம் தேதி பிற்பகல் 1.30 மணிக்கு தீா்த்தவாரி நடைபெறும். இதில் திருநெல்வேலி, தென்காசி, தூத்துக்குடி மாவட்டங்களிலிருந்து திரளானோா் பங்கேற்று, தாமிரவருணியில் நீராடி சுவாமி தரிசனம் செய்வா். இரவில் தெப்ப உத்ஸவம், சுவாமி-அம்பாள் வீதியுலா நடைபெறும். 5ஆம் தேதி மதியம் சாஸ்தா ப்ரீதி, மாலையில் வெள்ளி ரிஷப வாகனத்தில் சுவாமி-அம்பாள் வீதியுலா நடைபெறும்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.