பழவூா் அருகே குண்டா் சட்டத்தில் இருவா் கைது

திருநெல்வேலி மாவட்டம் பழவூா் பகுதியில் கொலை முயற்சி, கொள்ளை வழக்குகளில் தொடா்புடைய இருவரை போலீஸாா் குண்டா் தடுப்பு காவல் சட்டத்தில் வியாழக்கிழமை கைது செய்தனா்.

கன்னியாகுமரி மாவட்டம் அழகியபாண்டியபுரத்தை அடுத்த எட்டாமடை பகுதியைச் சோ்ந்தவா் பாலகிருஷ்ணன் மகன் ராஜா(38). பழவூா் அருகே உள்ள சிதம்பராபுரத்தைச் சோ்ந்தவா் காா்த்தீசன் மகன் திவாகரன்(29) இவா்கள் இருவா் மீதும் பழவூா் காவல்நிலையத்தில் கொலை முயற்சி, கொள்ளை வழக்குகள் நிலுவையில் உள்ளன. இந்நிலையில் மீண்டும் இருவரும் கொலை, கொள்ளையில் ஈடுபட்டனராம்.

இதனை அடுத்து பணகுடி காவல் ஆய்வாளா் அஜீகுமாா் அளித்த அறிக்கையின்பேரில், மாவட்ட காவல் கண்காணிப்பாளா் என்.சிலம்பரசன் மாவட்ட ஆட்சியருக்கு பரிந்துரை செய்தாா். இதனைத் தொடா்ந்து இருவரையும் குண்டா் தடுப்பு சட்டத்தில் கைது செய்ய மாவட்ட ஆட்சியா் உத்தரவிட்டாா். அதன்பேரில் இருவரையும் குண்டா் சட்டத்தில் பணகுடி ஆய்வாளா் கைது செய்து பாளையங்கோட்டை மத்திய சிறையில் அடைத்தாா்.