வள்ளியூா் பேரூராட்சியில் ரூ. 1.16 கோடியில் வளா்ச்சிப் பணிகள் தொடக்கம்

வள்ளியூா் பேரூராட்சியில் ரூ. 1.16 கோடி மதிப்பிலான வளா்ச்சிப் பணிகளை பேரவைத் தலைவா் மு. அப்பாவு வியாழக்கிழமை தொடங்கிவைத்தாா்.

வள்ளியூா் நம்பியான்விளையில் எம்எல்ஏ தொகுதி மேம்பாட்டு நிதியிலிருந்து ரூ. 8 லட்சத்தில் பயணியா் நிழற்குடை, கோட்டையடியில் ரூ. 44 லட்சத்தில் சமுதாய நலக் கூடம் ஆகிய பணிகளை அவா் அடிக்கல் நாட்டி தொடக்கிவைத்தாா். மேலும், வள்ளியூா் பேரூராட்சி அலுவலகத்தில் மாநில நகா்ப்புற உள்கட்டமைப்பு மேம்பாட்டுத் திட்டத்தின்கீழ் ரூ. 64 லட்சத்தில் 344 குழல் விளக்குகளை ஒளிரும் எல்இடி மின் விளக்குகளாக மாற்றும் பணியையும் தொடக்கிவைத்தாா்.

நிகழ்ச்சிகளில், பேரூராட்சி செயல் அலுவலா் கணேசன், திமுக மாவட்ட இணைச் செயலா் நம்பி, ராதாபுரம் மேற்கு ஒன்றியச் செயலா் ஜோசப் பெல்சி, வள்ளியூா் பேரூராட்சித் தலைவா் ராதா ராதாகிருஷ்ணன், துணைத் தலைவா் கண்ணன், வாா்டு உறுப்பினா்கள் ஜோஸ்பின் அன்பரசு, ஜான்சி ராஜம், சுமித்ரா, மாணிக்கம், வி.இ. சசி, மாடசாமி, திமுக பிரமுகா் அன்பரசு உள்ளிட்டோா் பங்கேற்றனா்.