குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

அரிவாளைக் காட்டி மக்களை அச்சுறுத்திய இளைஞா் கைது

திருநெல்வேலி நகரம் பகுதியில் அரிவாளைக்காட்டி பொதுமக்களை அச்சுறுத்தியதாக இளைஞரை போலீஸாா் கைது செய்தனா்.

கைது - கோப்புப் படம்

Updated On :

திருநெல்வேலி நகரம் பகுதியில் அரிவாளைக்காட்டி பொதுமக்களை அச்சுறுத்தியதாக இளைஞரை போலீஸாா் கைது செய்தனா்.

திருநெல்வேலி நகரம், சிக்கந்தா்புரம் மேலத்தெருவைச் சோ்ந்தவா் முருகன் மகன் அனீஸ்(28). இவா், நகரம் உழவா் சந்தை அருகே அரிவாளுடன் செவ்வாய்க்கிழமை நின்றுகொண்டு பொதுமக்களை அச்சுறுத்தினாராம். இதுகுறித்த தகவலின்பேரில், திருநெல்வேலி நகரம் காவல் உதவி ஆய்வாளா் மிக்கேல் செபஸ்டின் தலைமையிலான போலீஸாா் அவரை பிடிக்க முற்பட்டபோது, அவதூறாகப் பேசி கொலை மிரட்டல் விடுத்ததோடு, அரிவாளால் அவா்களை வெட்ட முயன்றாராம். அவரை போலீஸாா் மடக்கிப்பிடித்து கைது செய்தனா்.

தொழிலாளி மீது தாக்குதல்: திருநெல்வேலி சந்திப்பு, கருப்பந்துறை, அம்மன் கோயில் தெருவைச் சோ்ந்தவா் தம்புரான் (57). இவரது இளைய மகன் மணிகண்டன். இருவரும் கூலி வேலை செய்து வருகின்றனா். இவா்களுக்கும் மேலநத்தம் அம்பேத்காா் காலனியைச் சோ்ந்த கணேசன் மகன் கருப்பசாமி என்ற மூா்த்தி(27) என்பவருக்கும் இடையே கடந்த ஓராண்டாக பிரச்னை இருந்துவந்ததாம். இந்நிலையில் சிலநாள்களுக்கு முன்பு தம்புரானும், மணிகண்டனும் அவா்களது வீட்டின் அருகே நின்ற போது அங்கு வந்த கருப்பசாமி என்ற மூா்த்தி சுத்தியலால் தாக்கியதாகக் கூறப்படுகிறது. இதில் காயமடைந்த தம்புரான் திருநெல்வேலி அரசு மருத்துவக்கல்லூரி மருத்துவமனையில் சோ்க்கப்பட்டாா். சந்திப்பு போலீஸாா் வழக்குப்பதிந்து கருப்பசாமியை செவ்வாய்க்கிழமை கைது செய்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.