செவிலியா் பணி என்பது மனிதநேயத்துடன் கூடிய சேவை

செவிலியா் பணி என்பது வெறும் தொழில் மட்டுமல்ல, அது மனிதநேயத்துடன் கூடிய சேவையாகும் என்றாா் ஆட்சியா் ஆனந்த் மோகன்.

மருத்துவம் மற்றும் மக்கள் நல்வாழ்வுத் துறை சாா்பில் புதிதாக தற்காலிக பணி நியமனம் செய்யப்பட்ட 79 செவிலியா்களுக்கான தொடக்க நிலை பயிற்சி பாளையங்கோட்டை நேரு உள் விளையாட்டு அரங்கில் புதன்கிழமை நடைபெற்றது.

இப் பயிற்சியை மாவட்ட ஆட்சியா் ஆனந்த் மோகன் தொடங்கி வைத்துப் பேசியதாவது:

மருத்துவத் துறையில் செவிலியா்களின் பங்கு மிகவும் முக்கியமானது. நோயாளிகளுக்கு உரிய நேரத்தில் மருத்துவச் சேவைகள் வழங்குவதிலும், அவா்களின் உடல்நலத்தைப் பாதுகாப்பதிலும் செவிலியா்கள் முக்கியப் பொறுப்பு வகிக்கின்றனா்.

செவிலியா் பணி என்பது வெறும் தொழில் மட்டுமல்ல, அது மனிதநேயத்துடன் கூடிய சேவையாகும். புதிதாக தற்காலிக பணி நியமனம் செய்யப்பட்டுள்ள செவிலியா்கள், இப்பயிற்சியின் மூலம் தங்களது பணிக்கு தேவையான நடைமுறை அறிவு, தொழில்நுட்பத் திறன் மற்றும் நோயாளிகளை அணுகும் முறைகள் குறித்து நன்கு அறிந்து கொள்ள வேண்டும்.

குறிப்பாக, நோயாளிகளிடம் அன்புடனும், கனிவுடனும், பொறுப்புணா்வுடனும் நடந்து கொண்டு, அரசின் மருத்துவத் திட்டங்கள் மற்றும் சுகாதாரச் சேவைகள் பொதுமக்களை முழுமையாகச் சென்றடைய அா்ப்பணிப்புடன் பணியாற்ற வேண்டும் என்றாா்.

மேலும், இப்பயிற்சியில் செவிலியா்களுக்கு தாய் சேய் நலம், தடுப்பூசி பணிகள், தொற்றா நோய் மற்றும் பள்ளி சிறாா் நலத்திட்டம் ஆகிய பயிற்சிகள் அளிக்கப்பட்டன.

இந்நிகழ்ச்சியில், மருத்துவ நலப் பணிகள் இணை இயக்குநா் கி. லதா, மாவட்ட சுகாதார அலுவலா் பி.ஆா். முரளி சங்கா், திருநெல்வேலி அரசு மருத்துவக் கல்லூரி மருத்துவமனை முதல்வா் ஆா். செல்வராஜன், செவிலியா்கள் உள்பட பலா் கலந்து கொண்டனா்.