குற்ற ஆவணக் காப்பகத்தில் டி.ஐ.ஜி. ஆய்வு

திருநெல்வேலி மாவட்ட காவல் அலுவலகத்தில் செயல்பட்டு வரும் மாவட்ட குற்ற ஆவணக் காப்பகத்தில், திருநெல்வேலி சரக காவல்துறை துணைத்தலைவா் இரா.திருநாவுக்கரசு ஆய்வு மேற்கொண்டாா்.

குற்ற ஆவணக் காப்பகத்தில் மேற்கொள்ளப்படும் பணிகள், பதிவேடுகள் பராமரிப்பு மற்றும் ஆய்வுக் குறிப்புகளை பாா்வையிட்ட அவா், காவல் அலுவலா்களுக்கு ஆலோசனைகள் மற்றும் அறிவுரைகளை வழங்கினாா்.

இந்த ஆய்வின்போது, திருநெல்வேலி மாவட்ட காவல் கண்காணிப்பாளா் விஸ்வேஷ் பா.சாஸ்திரி, மாவட்ட குற்ற ஆவணக் காப்பகத்தின் காவல் துணைக் கண்காணிப்பாளா் மற்றும் காவல் ஆய்வாளா் ஆகியோா் உடனிருந்தனா்.