இடையன்விளையில் நாளை ஸ்தோத்திர விழா

நாசரேத் அருகிலுள்ள இடையன்விளை இம்மானுவேல் ஜெபவீட்டின் 70ஆவது ஆண்டு ஸ்தோத்திரப் பெருவிழா டிச. 26 ஆம் தேதி காலை 10முதல் மாலை 3 மணிவரை நடைபெறுகிறது.
இம்மானுவேல் ஜெபவீடு குழுவினர் இன்னிசைப் பாடல்கள் பாடுகின்றனர். நாலுமாவடி சேகரகுரு மர்காஷிஸ் டேவிட் வெஸ்லி தலைமை  வகிக்கிறார். மூக்குப்பீறி சேகர குரு என்.எஸ்.ஜெரேமியா ஆரம்ப ஜெபம் செய்கிறார். சிறப்பு பாடல்கள், சாட்சிகள் இடம் பெறுகின்றன. சிறுவர்களுக்கு பரிசுகள் வழங்கப்படும். 
விழாவில் நாலுமாவடி இயேசு விடுவிக்கிறார் ஊழிய நிறுவனர் மோகன் சி.லாசரஸ் சிறப்பு செய்தி கொடுக்கிறார். விழா ஏற்பாடுகளை சகோதரி  பொன்சீலி சாமுவேல் செய்து வருகிறார்.