பொத்தக்காலன்விளையில் விவசாயிகள் நலச் சங்கக் கூட்டம்

சாத்தான்குளம் அருகேயுள்ள பொத்தக்காலன்விளையில் விவசாயிகள் நலச் சங்கம் மற்றும் நீர் ஆதார அமைப்பின் புதிய நிர்வாகிகள் தேர்வு மற்றும்  ஆலோசனைக் கூட்டம்  நடைபெற்றது. 
இக் கூட்டத்துக்கு,  பொத்தக்காலன்விளை  காமராஜ் தலைமை வகித்தார். நரையன்குடியிருப்பு வரதராஜன்,  படுக்கப்பத்து சரவணன், சாஸ்தாவிநல்லூர் கூட்டுறவு சங்க இயக்குநர் ரவிச்சந்திரன்  ஆகியோர் முன்னிலை வகித்தனர். 
சாஸ்தாவிநல்லூர் கூட்டுறவு சங்கத் தலைவர் லூர்துமணி வரவேற்றார். கூட்டத்தில்,  பொத்தக்காலன்விளை விவசாய நலச் சங்கத் தலைவராக காமராஜ்,  செயலராக சிலுவை ரூபேஸ்குமார்,  பொருளாளராக லூர்துமணி, துணைத் தலைவராக இருதயராஜ்,  துணைச் செயலராக ஜஸ்டின்ஜெயராஜ், ஒருங்கிணைப்பாளராக  எட்வர்ட் லாரன்ஸ்,  அமல்ராஜ், ஜஸ்டின்,  ஜான் ஸ்டீபன்ராஜ்,  சகாய செல்வன், ராஜன் ஆகியோர் தேர்ந்தெடுக்கப்பட்டனர். 
தொடர்ந்து இயற்கையை பேணும் வகையில்  100-க்கு மேற்பட்ட விவசாயிகளுக்கு மரக்கன்றுகள் வழங்கப்பட்டது. 
கூட்டத்தில் பல்வேறு தீர்மானங்கள்  நிறைவேற்றப்பட்டன.  சட்ட ஆலோசகர் ஆரோன் டேவிட் நன்றி கூறினார்.