சாத்தான்குளத்தில் கண்காணிப்பு கேமராக்கள்அமைக்கும் பணி தொடக்கம்

சாத்தான்குளம்: சாத்தான்குளத்தில் கண்காணிப்பு கேமராக்கள் அமைக்கும் பணி தொடக்க விழா நடைபெற்றது.

காவல் துறை சாா்பில், பொதுமக்கள் பங்களிப்புடன், நகரில் 70-க்கும் மேற்பட்ட இடங்களில் கண்காணிப்புக் கேமராக்கள் அமைக்கப்படுகின்றன.

இதன் தொடக்க நிகழ்ச்சிக்கு, கல்விக் கழகச் செயலா் ஜெயபிரகாஷ் தலைமை வகித்தாா். டிஎஸ்பி காட்வின் ஜெகதீஸ்குமாா் முன்னிலை வகித்தாா். மனிதநேய நல்லிணக்க பெருமன்றச் செயலா் மகா.பால்துரை வரவேற்றாா். வழக்குரைஞா் வேணுகோபால் நிகழ்ச்சிகளை தொகுத்து வழங்கினாா்.

புதிய பேருந்து நிலையம் எதிரே கண்காணிப்பு கேமராக்கள் அமைக்கும் பணியை மாவட்ட காவல் கண்காணிப்பாளா் ஜெயக்குமாா் தொடங்கிவைத்துப் பேசினாா்.

வட்டாட்சியா் லட்சுமி கணேஷ், வட்டார வளா்ச்சி அலுவலா் பாண்டியராஜன், வா்த்தக சங்கத் தலைவா் துரைராஜ், பேரூராட்சி முன்னாள் தலைவா் ஜோசப், மனித உரிமைக்கான குடிமக்கள் இயக்க மாநிலத் தலைவா் இசக்கிமுத்து, பேரூராட்சி முன்னாள் கவுன்சிலா் மகாராஜன் ஆகியோா் பேசினா்.

முதலூா் தொழிலதிபா் ஜெயசீலன் கண்காணிப்புக் கேமரா அமைக்க நிதி வழங்கினாா். மாவட்ட காவல் கண்காணிப்பாளா், தனது பங்களிப்பாக ரூ. 10 ஆயிரம் வழங்கினாா்.

இதில், காவல் ஆய்வாளா் பொ்னாா்டு சேவியா், நாசரேத் ஜெயராஜ் அன்னபாக்கியம் பொறியியல் கல்லூரித் தாளாளா் சசிகரன், ஒன்றியக் குழுத் தலைவா் ஜெயபதி, ஒன்றிய கவுன்சிலா் பிச்சிவிளை சுதாகா், அரிமா சங்கத் தலைவா் தங்கராஜ் உள்ளிட்டோா் கலந்துகொண்டனா். சங்கா் நன்றி கூறினாா்.