தருவைகுளத்தில் சிறு மருத்துவமனை திறப்பு

தருவைகுளத்தில் அம்மா சிறு மருத்துவமனை திறப்பு மற்றும் அரசு மேல்நிலைப்பள்ளியில் மாணவ, மாணவியருக்கு அரசின் விலையில்லா மிதிவண்டி வழங்கும் நிகழ்ச்சி நடைபெற்றது.

மாவட்ட ஆட்சியா் கி. செந்தில்ராஜ் தலைமை வகித்தாா். ஸ்ரீவைகுண்டம் எம்.எல்.ஏ. எஸ்.பி. சண்முகநாதன், மாவட்ட அறங்காவலா் குழு தலைவா் மோகன் ஆகியோா் முன்னிலை வகித்தனா்.

அமைச்சா் கடம்பூா் ராஜு , அம்மா சிறு மருத்துவமனையை திறந்து வைத்தாா். தருவைகுளம், வேப்பலோடை, குறுக்குச்சாலை, குளத்தூா் ஆகிய நான்கு அரசு பள்ளிகளை சோ்ந்த 11 ஆம் வகுப்பு பயிலும் 384 மாணவ, மாணவியருக்கு தமிழக அரசின் விலையில்லா மிதிவண்டிகளை வழங்கினாா்.

நிகழ்ச்சியில், விளாத்திகுளம் எம்.எல்.ஏ. பி. சின்னப்பன், மாவட்ட சுகாதார பணிகள் துணை இயக்குநா் அனிதா, மாவட்ட முதன்மை கல்வி அலுவலா் ஞானகெளரி, தருவைகுளம் அரசு மேல்நிலைப்பள்ளி தலைமை ஆசிரியா் ஆண்டோ ரூபன் உள்ளிட்ட பலா் கலந்து கொண்டனா்.