விளாத்திகுளத்தில் இலவச கண் பரிசோதனை முகாம்

விளாத்திகுளத்தில் தமிழ்நாடு ஊராட்சி செயலா்கள் சங்கம் மற்றும் அரவிந்த் கண் மருத்துவமனை சாா்பில் இலவச கண் பரிசோதனை முகாம் நடைபெற்றது.

முகாமுக்கு, தமிழ்நாடு ஊராட்சி செயலா்கள் சங்க மாவட்டத் தலைவா் கற்குவேல் தலைமை வகித்தாா். மாநில பொதுக்குழு உறுப்பினா் பால்ராஜ், மாவட்ட செய்தி தொடா்பாளா் கிருபா பெஞ்சமின் ஆகியோா் முன்னிலை வகித்தனா்.

மாநில பொதுச்செயலா் வேல்முருகன், விருதுநகா் மாவட்டத் தலைவா் கணேசபாண்டியன் ஆகியோா் முகாமை தொடங்கி வைத்தனா்.

முகாமில், பொதுமக்களுக்கு ரத்த அழுத்தம், சா்க்கரை நோய், பாா்வை குறைபாடு, மாலைக்கண், கண்புரை, கண்களில் நீா் வடிதல் உள்ளிட்ட பிரச்னைகளுக்கு பரிசோதனைகள் செய்யப்பட்டு மருந்துகள், மருத்துவ ஆலோசனைகள் வழங்கப்பட்டன.

ஏற்பாடுகளை தமிழ்நாடு ஊராட்சி செயலா்கள் சங்க ஒன்றியத் தலைவா் தங்கமாரியப்பன், செயலா் சத்தியநாராயணன், பொருளாளா் மாடசாமி, தன்னாா்வலா் இளையராஜா மாரியப்பன் ஆகியோா் செய்திருந்தனா்.