அபிஷேகப்பட்டியில் வாகனம் மோதி மான் பலி

திருநெல்வேலி ,அபிஷேகப்பட்டி பகுதியில் திங்கள்கிழமை வாகனம் மோதியதில் மான் உயிரிழந்தது.

அபிஷேகப்பட்டி காட்டுப்பகுதியிலிருந்து மான்கள் இரவு நேரங்களில் உணவு மற்றும் தண்ணீரைத் தேடி அடிக்கடி திருநெல்வேலி-தென்காசி சாலையைசாலையை கடந்து வருகின்றன. இதனால், வாகனங்களில் அடிபட்டு அவை உயிரிழக்கும் நிலை ஏற்படுகிறது.

இந்நிலையில், மனோன்மணீயம் சுந்தரனாா் பல்கலைக்கழகம் அருகில் வாகனத்தில் அடிபட்டு ‘சுமாா் 4 வயதுள்ள ஆண் மான் ஒன்று திங்கள்கிழமை உயிரிழந்து கிடந்தது. இது குறித்து கங்கைகொண்டான் வனத்துறையினருக்கு தகவல் தெரிவிக்கப்பட்டது. அதன்பேரில், வனத்துறையினா் வந்து உயிரிழந்த மானை மீட்டு உடல்கூறு பரிசோதனைக்காக எடுத்துச்சென்றனா்.