நகா்ப்புற உள்ளாட்சித் தோ்தலில் 100 சதவீத வெற்றிக்காக திமுகவினா் உழைக்க வேண்டும் என்றாா் அக்கட்சியின் மாநில மகளிா் அணி அமைப்பாளரும், தூத்துக்குடி எம்.பி.யுமான கனிமொழி.
ஆறுமுகனேரியில் வியாழக்கிழமை நடைபெற்ற திமுக செயல்வீரா்கள் கூட்டத்தில் பங்கேற்று அவா் பேசுகையில், தமிழக முதல்வா் மக்களின் தேவைகளை அறிந்து திட்டங்களை நிறைவேற்றி வருவதால் 9 மாவட்ட ஊரக உள்ளாட்சித் தோ்தலில் பெரும் வெற்றியைப் பெற முடிந்தது. அதேபோல், வரவிருக்கும் நகா்ப்புற உள்ளாட்சித் தோ்தலிலும் அரசின் சாதனைகளைக் கூறி 100 சதவீத வெற்றி பெற அனைவரும் உழைக்க வேண்டும் என்றாா்.
தூத்துக்குடி தெற்கு மாவட்ட பொறுப்பாளரும், மீன்வளம், மீனவா் நலன் மற்றும் கால்நடை பராமரிப்புத் துறை அமைச்சருமான அனிதா ஆா்,ராதாகிருஷ்ணன் பேசுகையில், கட்சி நிா்வாகிகள் அனைவரும் கருத்துவேறுபாடின்றி ஒற்றுமையாக வெற்றிக்கு பாடுபட வேண்டும். நவ.13, 14, 27, 28 ஆகிய தேதிகளில் நடைபெறும் வாக்காளா் பட்டியல் சரிபாா்ப்புப் பணிகளில் வாா்டு செயலா்கள் கவனமும் ஈடுபட வேண்டும் என்றாா்.
இதில், நகரச் செயலா் அ.கல்யாணசுந்தரம் தலைமை வகித்தாா். ஒன்றியச் செயலா் செங்குழி ரமேஷ் முன்னிலை வகித்தாா். மாநில மாணவா் அணி துணை அமைப்பாளா் உமரி சங்கா், ஓட்டப்பிடாரம் எம்.எல்.ஏ. சண்முகையா உள்ளிட்ட நிா்வாகிகள் பங்கேற்றனா்.
சாத்தான்குளத்தில் வெள்ளிக்கிழமை நடைபெற்ற திமுக செயல் வீரா்கள் கூட்டத்திலும் இதே கருத்தை வலியுறுத்தி பேசிய , கனிமொழி எம்.பி., கூட்டணி கட்சியினரின் வெற்றிக்கும் உழைக்க வேண்டும் என்றாா்.
கூட்டத்தில், நகரப்புற உள்ளாட்சி தோ்தலில் தலைவரை மக்களே தோ்ந்தெடுக்கும் முறையை கொண்டுவர வேண்டும். சாத்தான்குளம் அரசு மகளிா் கலைக் கல்லூரிக்கு கல்லூரி நிறுவனா் பெ.மு. சுப்ரமணியம் பெயா் சூட்ட வேண்டும். சாத்தான்குளம் பகுதியில் அரசு போக்குவரத்து பணிமனையை முறையாக செயல்படுத்த வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
இக்கூட்டத்தில், அமைச்சா் அனிதா ஆா். ராதாகிருஷ்ணன், பொதுக்குழு உறுப்பினா் பசுபதி, மாவட்டப் பிரதிநிதிகள் அலெக்ஸ் பிரிட்டோ, நாயனாா், ஸ்டேன்லி, சரவணன், நெடுஞ்சாலை துறை பாதுகாப்பு குழு உறுப்பினா் போனிபாஸ், , தூத்துக்குடி மாவட்ட ஆவின் இயக்குநா் சுரேஷ்குமாா், முதலூா் ஊராட்சித் தலைவா் பொன்முருகேசன் உள்ளிட்டோா் பங்கேற்றனா்.
சாத்தான்குளம் அரசுக் கல்லூரிக்கு கட்டட வசதி கோரி, முதல்வா் சின்னதாய், பணி நிரந்தரம் கோரி பேராசிரியா்கள் கனிமொழி எம்பியிடம் மனு அளித்தனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.