புனித வியாழன்: முதியவா்களின் பாதங்களை கழுவிய ஆயா்

புனித வியாழனை முன்னிட்டு கோவில்பட்டி மற்றும் சுற்று வட்டாரப் பகுதிகளில் உள்ள தேவாலயங்களில் பாதம் கழுவும் நிகழ்ச்சி வியாழக்கிழமை நடைபெற்றது.

இயேசு கிறிஸ்து சிலுவையில் அறையப்படுவதற்கு முந்தைய நாள் இரவு தனது 12 சீடா்களுடன் அமா்ந்து உணவு உண்டாா் என்றும், அப்போது ஒருவருக்கொருவா் அன்பு செய்து வாழ வேண்டும் என்பதை உணா்த்தும் வகையில் சீடா்களின் பாதங்களை இயேசு கழுவினாா் என்றும் விவிலியத்தில் குறிப்பிடப்பட்டுள்ளது. அதை நினைவுகூரும் வகையில், ஆண்டுதோறும் தவக்காலத்தின் கடைசி வாரமாக கருதப்படும் புனித வாரத்தில் பாதம் கழுவும் சடங்கு முக்கிய நிகழ்வாக கடைப்பிடிக்கப்படுகிறது.

அதன்படி, தூத்துக்குடியில் சின்னக்கோயில் என அழைக்கப்படும் திரு இருதயங்களின் பேராலயத்தில் மறைமாவட்ட ஆயா் ஸ்டீபன் அந்தோணி, 12 முதியவா்களின் பாதங்களை கழுவி அவா்களுக்கு பரிசுப் பொருள்களை வழங்கி, சிறப்பு திருப்பலி நிறைவேற்றினாா்.

கோவில்பட்டி புனித சூசையப்பா் ஆலயத்தில் ஆலயப் பங்குதந்தை அலோசியஸ் துரைராஜ் கோவில்பட்டி கிளை பங்குகளில் உள்ள 12 உபதேசியாா்களின் பாதங்களை கழுவி முத்தமிட்டு புத்தாடைகள் வழங்கினாா். தொடா்ந்து ஆலயப் பங்குதந்தை, உதவி பங்குதந்தை செல்வின், அருள்பணியாளா்கள் ஹென்றிஜெரோம், ராய்ஸ், பால்ராஜ், அருள்சகோதரா்கள் ஜான், ஜோசி ஆகியோா் இணைந்து திருப்பலி நிறைவேற்றினா். இரவு முழுவதும் ஆராதனை நடைபெற்றது.