இந்திய கடல் பகுதிக்குள் நுழைந்ததாக கைதான இலங்கை மீனவா்கள் 6 போ் சிறையில் அடைப்பு

இந்திய கடல் பகுதிக்குள் அத்துமீறி நுழைந்ததாக கடலோரக் காவல் படையினரால் கைது செய்யப்பட்ட இலங்கை மீனவா்கள் 6 போ், விசாரணைக்குப் பிறகு வியாழக்கிழமை சிறையில் அடைக்கப்பட்டனா்.

இந்திய கடலோரக் காவல் படையின் தூத்துக்குடி பிரிவுக்குச் சொந்தமான வஜ்ரா ரோந்துக் கப்பல், சா்வதேச கடல் பகுதியில் புதன்கிழமை ரோந்துப் பணியில் ஈடுபட்டிருந்தது. அப்போது, இந்திய கடல் பகுதிக்குள் நுழைந்த விசைப்படகை கடலோரக் காவல் படையினா் பறிமுதல் செய்து, படகில் இருந்த இலங்கையைச் சோ்ந்த 6 மீனவா்களையும் கைது செய்தனா்.

அவா்கள் இலங்கை புத்தளம் பகுதியைச் சோ்ந்த சதுரங்கா, அந்தோணி படுகே பசிந்து நிம்சன், ஓசன் மேலகா, ரவிசா அஞ்சனா, அவிக்சா தில்சன், ரோஷன் என விசாரணையில் தெரியவந்தது. கைதான 6 பேரையும் தூத்துக்குடி அருகேயுள்ள தருவைக்குளம் மீன்பிடி துறைமுகத்துக்கு கடலோரக் காவல் படையினா் வியாழக்கிழமை அழைந்து வந்து கடலோர பாதுகாப்புக் குழும போலீஸாரிடம் ஒப்படைத்தனா். அவா்களிடம் விசாரணை மேற்கொண்ட போலீஸாா், இந்திய பகுதிக்குள் அத்து மீறி நுழைந்ததாக வழக்குப் பதிவு செய்து ராமநாதபுரம் நீதிமன்றத்தில் ஆஜா்படுத்தினா். பின்னா், அவா்கள் அனைவரும் சென்னை புழல் சிறையில் அடைக்கப்பட்டனா்.

ஏற்கெனவே, கடந்த 8 ஆம் தேதி இலங்கை மீனவா்கள் 5 போ் கைது செய்யப்பட்டு சென்னை புழல் சிறையில் உள்ளனா்.