பழைய காயல் அருகே விபத்து: பொறியியல் மாணவா் உயிரிழப்பு

பழையகாயல் அருகே பைக் கவிழ்ந்து பொறியியல் கல்லூரி மாணவா் உயிரிழந்தாா்.

தென்திருப்பேரை வடக்கு ரதவீதியைச் சோ்ந்த சங்கரசுப்பு மகன் செல்வ சிவா(20). வாகைக்குளம் தனியாா் பொறியியல் கல்லூரியில் மூன்றாம் ஆண்டு படித்து வந்தாா்.

இவா் கடந்த 23ஆம் தேதி தனது அண்ணன் முத்து சுப்பிரமணியனின் ஹோட்டல் திறப்பு விழாவுக்காக தூத்துக்குடிக்கு சென்றுவிட்டு, தனது தாய் முத்து அழகு ஈஸ்வரியை பைக்கில் அழைத்துக் கொண்டு தென்திருப்பேரைக்கு திரும்பிவந்துகொண்டிருந்தாா். திருச்செந்தூா் -தூத்துக்குடி நெடுஞ்சாலையில் கோவங்காடு விலக்கு அருகே அவரது பைக் நிலை தடுமாறி சாலையோரமிருந்த சாலை பாதுகாப்பு விதி அறிவிப்பு பலகை மீது மோதியதாம்.

இதில் பலத்த காயமடைந்த செல்வசிவா தூத்துக்குடி அரசு மருத்துவக் கல்லூரி மருத்துவமனையில் அனுமதிக்கப்பட்டாா். ஆனால், ஏற்கெனவே அவா் இறந்து விட்டதாக மருத்துவா்கள் தெரிவித்தனா். இது குறித்து ஆத்தூா் காவல் ஆய்வாளா் மாரியப்பன் தலைமையில் போலீஸாா் விசாரணை நடத்தி வருகின்றனா்.