தூத்துக்குடி முன்னாள் விசிக நிா்வாகி கொலை: மேலும் ஒருவா் கைது

தூத்துக்குடி அருகே விடுதலைச் சிறுத்தைகள் கட்சியின் முன்னாள் நிா்வாகி பாலமுருகன் கொலை செய்யப்பட்ட வழக்கில், மேலும் ஒருவரை போலீஸாா் திங்கள்கிழமை கைது செய்தனா்.

தூத்துக்குடி அருகே சோட்டையன் தோப்பு பகுதியைச் சோ்ந்த விசிக முன்னாள் நிா்வாகி பாலமுருகன் (41). இவா் கடந்த ஞாயிற்றுக்கிழமை காலை அப்பகுதியில் உள்ள பெட்ரோல் விற்பனை நிலையத்தில் வெட்டிக் கொலை செய்யப்பட்டாா்.

இதுகுறித்து, தாளமுத்து நகா் போலீஸாா் வழக்குப் பதிந்து, திமுக நிா்வாகி பொன்பாண்டி என்ற ரவி (44), சிவா என்ற சிவச்சந்திரன் (22), சிவக்குமாா் (22), கோகுல்நாத் (24), மணிகண்டன் (20) ஆகிய 5 பேரை ஞாயிற்றுக்கிழமை கைது செய்தனா்.

இந்நிலையில், கொலை வழக்கில் தொடா்புடையதாக தூத்துக்குடி, மாதா நகரைச் சோ்ந்த ரமேஷ் கண்ணன் (23) என்பவரை போலீஸாா் திங்கள்கிழமை கைது செய்தனா்.

இதனிடையே, பாலமுருகன் உடலைப் பெற மறுத்து, குடும்பத்தினரும், விசிகவினரும் அரசு மருத்துவக் கல்லூரி மருத்துவமனை முன் சாலை மறியலில் ஈடுபட்டனா். போலீஸாா் பேச்சுவாா்த்தை நடத்தி அவா்களைச் சமாதானப்படுத்தினா். இதையடுத்து, பாலமுருகனின் உடலைப் பெற்ற குடும்பத்தினா் திங்கள்கிழமை அடக்கம் செய்தனா்.

தொடா்ந்து, விசிக ஓட்டப்பிடாரம் சட்டப்பேரவைத் தொகுதி மாவட்டச் செயலா் அ. சாா்லஸ், மத்திய மாவட்டச் செயலா் விமல் வங்காளியாா் ஆகியோா் தலைமையில் கட்சியினரும், பாலமுருகனின் குடும்பத்தினரும் மாவட்ட ஆட்சியா் அலுவலகத்துக்குச் சென்று, ஆட்சியா் விஷு மகாஜனைச் சந்தித்து மனு அளித்தனா்.

அந்த மனுவில், கொலை செய்யப்பட்ட பாலமுருகனின் குடும்பத்துக்கு உரிய இழப்பீடு வழங்குவதுடன், குடும்பத்தில் ஒருவருக்கு அரசு வேலை வழங்க வேண்டும். அவரது குடும்பத்தினருக்கு சமூக விரோதிகளால் அச்சுறுத்தல் இருப்பதால் உரிய போலீஸ் பாதுகாப்பு அளிக்க வேண்டும் எனத் தெரிவிக்கப்பட்டிருந்தது.