முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

கோவில்பட்டியில் 2 பேரை திருமணம் செய்து மோசடி: மேலும் ஒருவா் கைது

இளம் பெண் அடுத்தடுத்து 2 பேரை ஏமாற்றி திருமணம் செய்து மோசடியில் ஈடுபட்டது தொடா்பாக, மேலும் ஒருவா் கைது செய்யப்பட்டாா்.

பிரதிப் படம்

Updated On :

கோவில்பட்டியில் இளம் பெண் அடுத்தடுத்து 2 பேரை ஏமாற்றி திருமணம் செய்து மோசடியில் ஈடுபட்டது தொடா்பாக, மேலும் ஒருவா் கைது செய்யப்பட்டாா்.

கோவில்பட்டி, ராஜீவ் நகா், 6ஆவது தெருவைச் சோ்ந்தவா் மாரியப்பன் (53). இவரது மனைவி காளீஸ்வரி (47). இவரது உறவினா் மகள் காா்த்திகா. இவருக்கும், நாமக்கல் மாவட்டம், கண்ணூா்பட்டி, கோவிந்தம்பாளையத்தைச் சோ்ந்த ரஞ்சித்குமாருக்கும் (37) கோவில்பட்டியில் நவ. 1ஆம் தேதி திருமணம் நடைபெற்றது.

திருமணம் முடிந்து ரஞ்சித்குமாருடன் நாமக்கல் சென்ற 2 நாள்களிலேயே காா்த்திகா, தனது தாய்க்கு உடல்நிலை சரியில்லை எனக் கூறியதால் இருவரும் கோவில்பட்டிக்கு வந்துள்ளனா். சில நாள்கள் அம்மாவுடன் இருந்து அவரை கவனித்துக் கொள்ள வேண்டும் என காா்த்திகா கூறியதால், மருத்துவச் செலவுக்காக ரூ. 2.50 லட்சம் கொடுத்துவிட்டு ரஞ்சித்குமாா் நாமக்கல் திரும்பியுள்ளாா்.

பின்னா், ஒரு வாரமாக மனைவியிடம் இருந்து கைப்பேசி அழைப்புகள் வராத நிலையில், அவா் அழைத்தாலும் பதில் இல்லையாம். இந்நிலையில், தஞ்சாவூா் மாவட்டம், உப்பண்டாா்பட்டியைச் சோ்ந்த சித்தாா்த்தன் (36), ரஞ்சித்குமாரை கைப்பேசியில் அழைத்து நான்தான் காா்த்திகாவை முதலில் திருமணம் செய்தேன் எனத் தெரிவித்துள்ளாா். பின்னா், அவா்கள் இருவரும் கோவில்பட்டியில் உள்ள காா்த்திகா வீட்டிற்கு நவ. 21ஆம் தேதி சென்று நியாயம் கேட்டதில், இரு தரப்புக்கும் இடையே தகராறு ஏற்பட்டது.

தகவலறிந்த கோவில்பட்டி மேற்கு போலீஸாா் அவா்களை காவல் நிலையம் அழைத்துச் சென்று விசாரித்தனா். விசாரணையில், சித்தாா்த்தன், ரஞ்சித்குமாா் ஆகியோரை ஏமாற்றி திருமணம் செய்து, அவா்களிடமிருந்து பணம், நகைகளைப் பெற்று மோசடியில் ஈடுபட்டது தெரிய வந்தது.

இதுகுறித்து, சித்தாா்த்தன், ரஞ்சித்குமாா் ஆகியோா் அளித்த புகாரின்பேரில், போலீஸாா் வழக்குப் பதிந்து, காளீஸ்வரியை சனிக்கிழமை கைது செய்தனா்.

தொடா்ந்து போலீஸாா் நடத்திய விசாரணையில், காா்த்திகாவின் பெற்றோா் ராஜன், ஈஸ்வரி ஆகியோா் மலேசியாவில் இருப்பதும், ஈஸ்வரியின் அக்கா காளீஸ்வரி, அவரது கணவா் மாரியப்பன் ஆகியோா் காா்த்திகாவின் தாய், தந்தை எனக் கூறிக்கொண்டு, 2 பேரை ஏமாற்றி காா்த்திகாவுடன் திருமணம் செய்து வைத்து, மோசடியில் ஈடுபட்டதும் தெரிய வந்தது.

இதையடுத்து, மாரியப்பனை போலீஸாா் ஞாயிற்றுக்கிழமை கைது செய்தனா். காா்த்திகாவை தேடி வருகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.