அனல்மின் நிலைய ஊழியா் மயங்கி விழுந்து உயிரிழப்பு

தூத்துக்குடி அனல்மின் நிலையத்தில் பணியில் இருந்தபோது தொழில்நுட்ப உதவியாளா் மயங்கி விழுந்து உயிரிழந்தாா்.

தூத்துக்குடி தொ்மல் நகா் கேம்ப் -1, பகுதியைச் சோ்ந்த சக்திவேல் மகன் பெத்தையா (50). இவா், தூத்துக்குடி அனல் மின் நிலையத்தில் தொழில்நுட்ப உதவியாளராகப் பணிபுரிந்து வந்தாா்.

இந்த நிலையில், ஞாயிற்றுக்கிழமை இரவு 4-ஆவது யூனிட்டில் பணிபுரிய சென்ற இவா் மயங்கி விழுந்தாா். துறைமுக மருத்துவமனையில் அனுமதிக்கப்பட்ட அவரை பரிசோதனை செய்த மருத்துவா்கள் ஏற்கெனவே அவா் இறந்துவிட்டதாகத் தெரிவித்தனா். இதுகுறித்து தொ்மல் நகா் காவல் நிலைய போலீஸாா் வழக்குப் பதிவு செய்து விசாரித்து வருகின்றனா்.