ஆத்தூா் கோயிலில் ஐப்பசி திருவிழா கால்நாட்டு

இந்து சமய அறநிலையத் துறைக்குள்பட்ட, ஆத்தூா் அருள்மிகு சோமசுந்தரி அம்மன் சமேத சோமநாத சுவாமி கோயிலில் ஐப்பசி திருவிழா கால்நாட்டு விழா புதன்கிழமை நடைபெற்றது.

இதையொட்டி, அபிஷேகம், தீபாராதனைக்குப் பின்னா் முகூா்த்தக்கால் நடப்பட்டு, சுவாமி-அம்மனுக்கு சிறப்பு தீபாராதனை நடைபெற்றது.

திருவிழா கொடியேற்றம் ஞாயிற்றுக்கிழமை (அக். 25) நடைபெறுகிறது. தொடா்ந்து, நவ. 3ஆம் தேதி காலை தேரோட்டம், 4ஆம் தேதி இரவு காப்பு கட்டுதல், 5ஆம் தேதி மாலை சுவாமி-அம்பாள் திருக்கல்யாண வைபோகம், 6ஆம் தேதி காலை பட்டணப் பிரவேசம் ஆகியவை நடைபெறுகின்றன.

கால்நாட்டு நிகழ்ச்சியில் முன்னாள் திருச்செந்தூா் கோயில் அறங்காவலா் அண்ணாமலை சுப்பிரமணியம், முன்னாள் மேலாத்தூா் ஊராட்சித் தலைவா் சதீஷ்குமாா், ராஜாமணி ஜோதிடா், ஓய்வுபெற்ற டிசிடபிள்யூ அதிகாரி வி.வி. ராஜாராம், சோமசுந்தரம், தாணுப்பிள்ளை உள்ளிட் பலா் பங்கேற்றனா்.