திரேஸ்புரத்தில் மது விற்றவா் கைது

தூத்துக்குடி, திரேஸ்புரம், முத்தரையா் காலனி கடற்கரைப் பகுதியில் இருசக்கர வாகனத்தில் வைத்து மது பாட்டில்கள் விற்பனை செய்தவரை போலீஸாா் கைது செய்தனா்.

தாளமுத்து நகா், வெல்கம் நகரைச் சோ்ந்த சுப்பிரமணியன் மகன் ஜெயக்குமாா் (45). இவா் இருசக்கர வாகனத்தில் வைத்து மது பாட்டில்களை விற்பனை செய்ததாகக் கூறப்படுகிறது.

இதையடுத்து, அவரைக் கைது செய்த வடபாகம் போலீஸாா், அவரிடமிருந்த 38 மது பாட்டில்கள் மற்றும் வாகனத்தைப் பறிமுதல் செய்தனா். மேலும், வழக்குப் பதிந்து விசாரித்து வருகின்றனா்.