தூத்துக்குடியில் 5-வது நாளாக விசைப் படகுகள் நிறுத்தி வைப்பு

குறைந்த காற்றழுத்த தாழ்வு மண்டலம் காரணமாக தூத்துக்குடியில் விசைப் படகுகள் 5-ஆவது நாளாக வியாழக்கிழமையும் கடலுக்குச் செல்லவில்லை.

தூத்துக்குடி மீன்பிடி துறைமுகத்திலிருந்து தினசரி சுழற்சி முறையில் விசைப் படகுகளில் மீனவா்கள் கடலுக்குச் சென்று மீன்பிடித் தொழிலில் ஈடுபட்டு வருகின்றனா்.

வங்கக்கடலில் உருவான புயல் காரணமாகக் கடலில் மணிக்கு 55 முதல் 60 கி.மீ. வேகத்தில் சூறைக் காற்று வீசக்கூடும் என்பதால், கடந்த 25-ஆம் தேதி முதல் 29-ஆம் தேதி வரையில் மீனவா்கள் கடலுக்குச் செல்ல வேண்டாம் என மீன்வளத் துறை சாா்பில் எச்சரிக்கை விடுக்கப்பட்டிருந்தது.

இதனால், கடந்த 25-ஆம் தேதி முதல் மீனவா்கள் மீன்பிடிக்க கடலுக்குச் செல்லவில்லை. இதன் காரணமாகத் தூத்துக்குடி மீன்பிடி துறைமுகத்தில் 272 விசைப் படகுகளும் நிறுத்தி வைக்கப்பட்டுள்ளன.