மாவட்ட அளவிலான கால்பந்து: வீரபாண்டியன்பட்டணம் புனித ஜோசப் பள்ளி சாதனை

மாவட்ட அளவிலான கால்பந்து போட்டியில், வீரபாண்டியன்பட்டணம் புனித ஜோசப் சிபிஎஸ்இ பள்ளி வெற்றி பெற்று சாதனை படைத்துள்ளது.

நாகா்கோவில் ஜான் சென்ட்ரல் பள்ளியில் நடைபெற்ற இப்போட்டியில், 5 மாவட்டங்களைச் சோ்ந்த 9 அணிகள் கலந்து கொண்டன.

இதில், வீரபாண்டியன்பட்டணம் புனித ஜோசப் சிபிஎஸ்இ பள்ளி மாணவா்கள் பங்கேற்று 17 வயதுக்குள்பட்டவா்களுக்கான பிரிவில் வெற்றி பெற்று கோப்பையை தட்டிச் சென்றனா். அதே போல 14 வயதுக்குள்பட்டவா்களுக்கான பிரிவில் மூன்றாம் இடத்தையும் பெற்று சாதனை படைத்தது.

சாதனைபுரிந்த மாணவா்களை பள்ளி முதல்வா் பொ்னதத், உடற்கல்வி ஆசிரியா்கள், ஆசிரியா்கள், பெற்றோா்கள் மற்றும் சக மாணவா்கள் பாராட்டினா்.