மதுபானம் விற்ற பெண்கள் உள்பட 5 பேர் கைது

அரியலூர் மாவட்டம் ஆண்டிடம், மீன்சுருட்டி மற்றும் உடையார்பாளையம் ஆகிய  பகுதிகளில் மது விற்ற பெண்கள் உள்பட 5 பேரைப் போலீஸார் கைது செய்தனர்
ஆண்டிமடம் போலீஸார் நாகம்பந்தல் பகுதியில் சனிக்கிழமை இரவு ரோந்துப் பணியில் ஈடுபட்டிருந்தபோது, அதே பகுதியைச் சேர்ந்த பத்மா (39) என்பவர் மறைத்து வைத்து மதுபான பாட்டில்களை விற்றுக்கொண்டிருந்தது தெரியவந்தது. இதையடுத்து போலீஸார் வழக்கு பதிந்து அவரைக் கைது செய்தனர். 
இதேபோல் மீன்சுருட்டி பகுதியில் மதுபான பாட்டில்களை மறைத்து வைத்து விற்றுக்கொண்டிருந்த இளையபெருமாள் நல்லூர் காலனி தெருவைச் சேர்ந்த சங்கர் (44), குருவலப்பர் கோயில் காலனி தெருவைச் சேர்ந்த ராஜசேகர் (32) ஆகிய இருவரையும் மீன்சுருட்டி போலீஸார் கைது செய்தனர். 
தா.பழூர் அடுத்த நாயகனைப்பிரியாள் கிராமத்தில் மது விற்றுக்கொண்டிருந்த சத்தியபாமாவை (37) தா.பழூர் போலீஸார் கைது செய்தனர்.இதேபோல், உடையார்பாளையம் அருகே காட்டுப் பிரிங்கியம் ஏரியில் ஞாயிற்றுக்கிழமை போலீஸார் ரோந்துப் பணியில் ஈடுபட்டிருந்தனர். 
அப்போது, தா.சோழங்குறிச்சி பகுதியைச் சேர்ந்த ஜெயராமன் மகன் செல்வம் (36) என்பவர் மறைத்து வைத்து மதுபானப் பாட்டில்களை விற்றுக் கொண்டிருந்தது தெரியவந்தது. இதையடுத்து போலீஸார் வழக்கு பதிந்து அவரைக் கைது செய்தனர்.