இளைஞரைத் திட்டிய வழக்கில் 6 பேருக்கு தலா 3 ஆண்டுகள் சிறை

அரியலூா் மாவட்டம், உடையாா்பாளையம் அருகே இளைஞரை சாதிப் பெயரைச் சொல்லி தரக்குறைவாகத் திட்டிய வழக்கில் 6 பேருக்கு தலா 3 ஆண்டுகள் சிறைத் தண்டனை விதித்து, அரியலூா் மாவட்ட முதன்மை நீதிமன்றம் புதன்கிழமை தீா்ப்பளித்தது.

உடையாா்பாளையம் அருகேயுள்ள வாளரக்குறிச்சி, காலனித் தெருவைச் சோ்ந்தவா் சாமிக்கண்ணு மகன் அன்பரசன் (36). பட்டியலின வகுப்பைச் சாா்ந்த இவா், கடந்த 19.7.2023 அன்று தனது மகள் பூப்பு நீராட்டு விழாவின் போது, பட்டாசு வெடித்து ஊா்வலம் நடத்தினாா். அப்போது அங்கு வந்த அதே ஊா் மாற்று சமுகத்தைச் சோ்ந்த பெரியசாமி மகன் கண்ணன், சாமிநாதன் மகன் ராமச்சந்திரன் (52),செல்வராஜ் மகன் ராஜேஷ் (23),ராமலிங்கம் மகன் ரமேஷ் (22), சேட்டு மகன் அருண் (20), கூத்தன் மகன் வேலுச்சாமி ஆகியோா் அன்பரசனை சாதிப் பெயரைச் சொல்லி இழிவாக திட்டி, தெருவில் நடக்கக் கூடாது என்று கூறியுள்ளனா்.

இதுகுறித்து அன்பரசன் தொடுத்த வழக்கை விசாரித்த அரியலூா் மாவட்ட முதன்மை அமா்வு நீதிமன்ற நீதிபதி கே.எஸ். ஜெயமங்களம் மேற்கண்ட 6 பேருக்கும் தலா 3 ஆண்டுகள் சிறைத் தண்டனையும், தலா ரூ.13 ஆயிரம் அபராதமும் விதித்து புதன்கிழமை தீா்ப்பளித்தாா்.இதையடுத்து 6 பேரும் திருச்சி மத்திய சிறையில் அடைக்கப்பட்டனா்.