சின்னதாராபுரம் அருகேசேவல் வைத்து சூதாடிய 11 பேர் மீது வழக்கு

சின்னதாராபுரம் அருகே சேவல் வைத்துச் சூதாடிய 11 பேர் மீது போலீஸார் வழக்குப்பதிந்து, அவர்களிடம் இருந்து 4 சேவல்களைப் பறிமுதல் செய்தனர்.

சின்னதாராபுரம் அருகேயுள்ள அணைப்புதூர் பகுதியில் சிலர் சேவல் சண்டை நடத்தி சூதாட்டத்தில் ஈடுபடுவதாக சின்னதாராபுரம் போலீஸாருக்கு ஞாயிற்றுக்கிழமை தகவல் கிடைத்தது.

இதையடுத்து போலீஸார் சம்பவ இடத்திற்குச் சென்று சோதனை செய்தபோது, அங்கு பணம் வைத்துச் சூதாடிய அதே பகுதியைச் சேர்ந்த செல்வராஜ்(45),சிவக்குமார் (37), மூலதட்டு பகுதியைச் சேர்ந்த அன்பரசு (45), கொங்கானிவலசைச் சேர்ந்த மீனாட்சிசுந்தரம் (42), சசிவர்ணன் (35), ரஞ்சித்குமார்(22) உள்ளிட்ட 11 பேர் வழக்குப்பதிந்தனர். மேலும் அவர்களிடம் இருந்து 4 சேவல்கள் மற்றும் சூதாட்டப்பணம் ரூ.3,000 ஆகியவற்றையும் பறிமுதல் செய்தனர்.