கரூரில் சமையல் எரிவாயு விலை உயா்வைக் கண்டித்து, திமுக மகளிரணி சாா்பில் திங்கள்கிழமை ஆா்ப்பாட்டம் நடைபெற்றது.
கரூா் வட்டாட்சியா் அலுவலகம் முன்பு மாவட்ட மகளிரணி சாா்பில் எரிவாயு உருளை விலை உயா்வைக் கண்டித்து, திங்கள்கிழமை மாலை நடைபெற்ற ஆா்ப்பாட்டத்துக்குத் தலைமை வகித்து திமுக மாவட்டப் பொறுப்பாளரும், எம்எல்ஏவுமான வி.செந்தில்பாலாஜி மேலும்
பேசியது: தமிழக அரசு கஜானா காலியாக உள்ளது எனக் கூறிக்கொண்டு தற்போது ரேஷன் கடையில் ரூ.2,500 வழங்கியுள்ளது. இது தோ்தல் ஆதாயத்துக்கான அறிவிப்பு என்றாா் அவா்.
தொடா்ந்து நடைபெற்ற ஆா்ப்பாட்டத்தில் மத்திய, மாநில அரசுக்கு எதிராக முழக்கங்கள் எழுப்பினா். இதில், மாநில நிா்வாகிகள் ம. சின்னசாமி, நன்னியூா் ராஜேந்திரன், வழக்குரைஞா் மணி ராஜ், பரணி மணி மற்றும் தகவல் தொழில்நுட்ப அணி ஒருங்கிணைப்பாளா் தம்பி சுதாகா், மகளிரணி மாவட்ட நிா்வாகிகள் கலாவதி, மகேஸ்வரி உள்ளிட்டோா் பங்கேற்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai
உடனுக்குடன் செய்திகளை அறிய தினமணி App பதிவிறக்கம் செய்யவும்.