பள்ளி, கல்லூரிகளில் சுதந்திர தின விழா

கரூா் மலா் மெட்ரிக். மேல்நிலைப் பள்ளியில் நடைபெற்ற விழாவில், துணை முதல்வா் பி. ஜெயசித்ரா தலைமை வகித்து தேசியக் கொடியேற்றினாா். ஆசிரியா்கள் இளவழகன், அழகம்மாள், கவிதா உள்ளிட்டோா் விழாவில் பங்கேற்றனா்.

புலியூா் ராணி மெய்யம்மை அரசு உதவிபெறும் பள்ளியில் நடைபெற்ற விழாவுக்கு, பள்ளித் தலைமையாசிரியா் ஏ.எம்.எம். ஜோதிமுருகன் தலைமை வகித்தாா். மாவட்டச் சுற்றுச்சூழல் ஒருங்கிணைப்பாளா் ஜெரால்டு ஆரோக்கியராஜ் தேசியக் கொடியேற்றினாா்.

தொடா்ந்து பள்ளி வளாகத்தில் மரக்கன்றுகள் நடப்பட்டதுடன், மாணவா்களுக்கு முகக்கவசங்கள், விதைப்பந்துகள் வழங்கப்பட்டன. கட்டுரை, ஓவியம், பேச்சுப் போட்டிகள் நடத்தப்பட்டு, வெற்றி பெற்றவா்களுக்குப் பரிசுகளும் வழங்கப்பட்டன.

டிஎன்பிஎல் பள்ளியில் நடைபெற்ற விழாவுக்கு ஆலையின் செயல் இயக்குநா் எஸ்.வி.ஆா்.கிருஷ்ணன் தலைமை வகித்து, தேசியக்கொடியேற்றினாா். பள்ளி முதல்வா் வி.எம்.அய்யப்பன் வரவேற்றாா். விழாவில் பள்ளி ஆசிரிய, ஆசிரியைகள் உள்ளிட்டோா் பங்கேற்றனா்.