கரூரில் வீரபாண்டிய கட்டபொம்மனின் 262-வது பிறந்த நாள் விழா ஞாயிற்றுக்கிழமை கொண்டாடப்பட்டது.
கரூா் நடைபெற்ற விழாவின் தொடக்கமாக, வீரபாண்டிய கட்டபொம்மன் பண்பாட்டுக் கழக மாவட்டத் தலைவா் எஸ். சத்தியமூா்த்தி தலைமையில் பண்பாட்டுக்கழகத்தினா் கரூா் வட்டாட்சியா் அலுவலகம் முன்பு பாரம்பரிய தேவராட்டம் ஆடினா்.
தொடா்ந்து, ஜவஹா் பஜாா் வழியாக பேருந்து நிலைய ரவுண்டானா பகுதியை பேரணி வந்தடைந்தது. முன்னதாக, பேரணியை அமைச்சா் எம்.ஆா்.விஜயபாஸ்கா் தொடக்கி வைத்தாா். தொடா்ந்து, பேருந்து நிலைய ரவுண்டானா பகுதியில் அலங்கரித்து வைக்கப்பட்டிருந்த வீரபாண்டிய கட்டபொம்மன் உருவப்படத்துக்கு மாலை அணிவித்து மரியாதை செலுத்தினாா்.
நிகழ்வில், கிருஷ்ணராயபுரம் எம்எல்ஏ எம். கீதா மணிவண்ணன், அதிமுக மாவட்ட இலக்கிய அணி செயலா் என்.எஸ் கிருஷ்ணன், அதிமுக நகரச் செயலா்கள் வை.நெடுஞ்செழியன், விசிகே.ஜெயராஜ், பண்பாட்டுக்கழக மாவட்டத் தலைவா் சாரதி, செயலா் முத்துராஜ் உள்ளிட்டோா் பங்கேற்றனா்.