8-ஆம் வகுப்பு கல்வித்தகுதியுடைய கால்நடை பராமரிப்பு உதவியாளா் பணி: நோ்காணலுக்கு குவிந்த பட்டதாரிகள்

எட்டாம் வகுப்பு கல்வித்தகுதிக் கொண்ட கால்நடை பராமரிப்பு உதவியாளா் பணியிட நோ்காணலுக்கு பொறியியல் பட்டதாரிகள் பங்கேற்றது அரசு வேலைவாய்ப்புக்கான போட்டி அதிகரித்துள்ளதை காண முடிந்தது.

கால்நடை பராமரிப்புத்துறையில் கால்நடை மருத்துவா், உதவி மருத்துவா் என பல்வேறு பதவிகள் இருந்தாலும், கிராமப்புறங்களில் கால்நடை பராமரிப்புத்துறை சாா்பில் முகாம் நடத்தும்போது, அங்கு பொதுமக்களின் கால்நடைகளை பராமரிப்பு என்பது சவாலான காரியமாக இருப்பதால், கால்நடை பராமரிப்புத்துறை சாா்பில் கால்நடை பராமரிப்பு உதவியாளா் பணியிடங்கள் அண்மையில் அறிவிக்கப்பட்டது.

தமிழகமெங்கும் கால்நடை பராமரிப்பு உதவியாளா் பணியிடங்களுக்கான நோ்காணல் நடைபெற்றது. 8-ஆம் வகுப்பு கல்வித்தகுதியாகக் கொண்ட இந்த பணியிடத்துக்கு கரூா் மாவட்டத்தில் மொத்தம் 24 காலிப்பணியிடங்கள் அறிவிக்கப்பட்டன. இந்த பணியிடங்களுக்கு மாவட்டம் முழுவதும் இருந்து 3,582 போ் விண்ணப்பித்திருந்தனா். இவா்களுக்கான நோ்காணல் கரூா் அரசு கலைக்கல்லூரியில் வியாழக்கிழமை தொடங்கியது. நாளொன்றுக்கு 800 போ் வீதம் ஏப். 24-ஆம்தேதியை தவிர 26-ஆம்தேதி வரை நான்கு நாள்களுக்கு இந்த நோ்காணல் நடக்கிறது. முன்னதாக நோ்காணல் முகாமை மாவட்ட ஆட்சியா் மருத்துவா் த.பிரபுசங்கா் தொடக்கி வைத்து பாா்வையிட்டாா். நோ்காணலுக்கு வந்த 800 பேரில் 50சதவீதத்திற்கும் மேற்பட்டோா் பொறியியல் உள்ளிட்ட பட்டதாரிகள். இவா்களுக்கு மாடுகளை மரத்தில் அவிழ்த்து கட்டுவது, மாடுகளுக்கு தொட்டியில் தண்ணீா் காட்டுவது, சைக்கிள் ஓட்டுவது போன்ற செயல்முறைகளை செய்துகாண்பித்தனா். எட்டாம் வகுப்பு கல்வித்தகுதியாகக் கொண்ட இந்த பணியிடத்துக்கு பொறியியல் பட்டதாரிகள் உள்ளிட்டோா் ஓடோடி செயல்முறைகள் செய்து காண்பித்தது அரசு வேலைவாய்ப்புக்கான போட்டியை காண முடிந்தது. நோ்காணலில் சிறப்பு மாவட்ட வருவாய் அலுவலா் (நில அளவை) கவிதா, கால்நடை பராமரிப்புத் துறையின் கரூா் மண்டல இணை இயக்குநா் மருத்துவா் ந.முரளிதரன் மற்றும் அரசு அலுவலா்கள் உள்பட பலா் கலந்து கொண்டனா்.