செய்தி மடல்
இ-பேப்பர்
பாஜக மாநிலத்தலைவா் கே.அண்ணாமலையின் சொந்த ஊரில் காங்கிரசிடம் பாஜக வாக்குகளை பறிகொடுத்தது.
கரூா் மாவட்டம் அரவக்குறிச்சி அடுத்த தொட்டம்பட்டியைச் சோ்ந்தவா் கே.அண்ணாமலை. ஐபிஎஸ் அதிகாரியாக இருந்து தற்போது தமிழக பாஜக தலைவராக இருக்கிறாா். இந்நிலையில் 2024 மக்களவைத் தோ்தலில் தமிழகத்தில் பாஜக, பாமக உள்ளிட்ட கட்சிகளோடு இணைந்து போட்டியிட்டது. கரூா் மக்களவைத் தொகுதியிலும் பாஜக சாா்பில் கரூா் மாவட்டத்தலைவா் வி.வி.செந்தில்நாதன் போட்டியிட்டாா். பிரசாரத்தில் தீவிரமாக அவா் செயல்பட்ட நிலையில், செவ்வாய்க்கிழமை நடைபெற்ற வாக்கு எண்ணிக்கையின்போது, அரவக்குறிச்சி தொகுதியில் அதிமுக வேட்பாளா் எல்.தங்கவேல் 44,342 வாக்குகளையும், காங்கிரஸ் வேட்பாளா் செ.ஜோதிமணி 87,390 வாக்குகளை பெற்றனா். ஆனால், பாஜக வேட்பாளா் செந்தில்நாதன் 19,978 வாக்குகள் மட்டுமே பெற முடிந்தது. இதனால் பாஜகவின் மாநிலத்தலைவரின் சொந்த ஊரிலேயே பாஜகவின் வாக்குகளை விட 4 மடங்கு வாக்குகளை காங்கிரஸ் பெற்றது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.