நாளை 4 கிராமங்களில் அம்மா திட்ட முகாம்

அரியலூர் மாவட்டம் பெரியநாகலூர், ஓரியூர், உடையார்பாளையம் (கி), காரைக்குறிச்சி ஆகிய 4 கிராமங்களில் வெள்ளிக்கிழமை (ஏப்.6) அம்மா திட்ட முகாம்கள் நடைபெறுகிறது.
முகாமில், வருவாய்த் துறையின் சமூக பாதுகாப்புத் திட்டங்கள், பட்டா மாறுதல், இலவச வீட்டுமனைப் பட்டாக்கள்,  பிறப்பு, இறப்பு சான்றிதழ், சாதி சான்றிதழ் ஆகியவற்றில் தகுதி பெற்ற மனுக்களின் மீது உடனடியாகத் தீர்வு காணப்படும். 
எனவே, பொதுமக்கள் இந்த வாய்ப்பினை பயன்படுத்திக் கொண்டு பயன்பெறுமாறு ஆட்சியர் மு. விஜயலட்சுமி செவ்வாய்க்கிழமை வெளியிட்ட செய்திக்குறிப்பில் தெரிவித்துள்ளார்.