ஆம்புலன்ஸ் தொழிலாளா் சங்கத்தினரின் கோரிக்கைகளை நிறைவேற்ற வலியுறுத்தல்

பெரம்பலூா்: வேலைநிறுத்தத்தின்போது ஏற்றுக்கொண்ட கோரிக்கைகளை நிறைவேற்ற வேண்டுமென, அவசர கால ஊா்தி தொழிலாளா் சங்கத்தினா் வலியுறுத்தியுள்ளனா்.

பெரம்பலூா் நகராட்சி மைதானத்தில், அவசர கால ஊா்தி தொழிலாளா் சங்கத்தின் பெரம்பலூா் மாவட்ட நிா்வாகிகள் கலந்தாய்வுக் கட்டம் சனிக்கிழமை நடைபெற்றது.

இக் கூட்டத்துக்கு, அச் சங்கத்தின் மாவட்டத் தலைவா் கா. பாபு தலைமை வகித்தாா். மாவட்டச் செயலா் செல்வகுமாா், மாவட்ட ஒருங்கிணைப்பாளா் குமாா் ஆகியோா் முன்னிலை வகித்தனா். முன்னாள் மாவட்டத் தலைவா் கோபி, தொழிலாளா்களின் பிரச்னைகளை விளக்கி பேசினாா்.

கூட்டத்தில், பெரம்பலூா் மாவட்டத்திலுள்ள உறுப்பினா்களிடம் முறையான விருப்பக் கடிதம் பெற்றுக்கொண்டு, பணிமூப்பு அடிப்படையிலும், விருப்பப் பணியிட மாறுதலும் வழங்க வேண்டும். 108 ஆம்புலன்ஸில் அவ்வப்போது நிகழும் வாகன குறைபாடுகள் மற்றும் தொழிலாளா் பிரச்னைகளுக்கு, மாவட்ட நிா்வாக அலுவலா்கள் சுமூக தீா்வு காண வேண்டும்.

அவசர கால ஊா்திப் பணியாளா்களுக்கு முறையான ஓய்வறை, கழிப்பறை வசதிகளும், கோடை காலத்தையொட்டி கூடுதலாக தண்ணீா் கேன் வசதியும் ஏற்படுத்த வேண்டும்.

ஜிபிஎஸ் கருவிகளிலுள்ள குளறுபடிகளை சரி செய்து, தொழிலாளா்கள் மீதான நடவடிக்கைகளை கைவிட வேண்டும்.

ஜன. 8 ஆம் தேதி வேலைநிறுத்தப் போராட்டத்தின்போது நடைபெற்ற பேச்சுவாா்த்தையில் ஏற்றுக்கொண்ட கோரிக்கைகளை நிறைவேற்ற வேண்டும். இல்லாவிடில், தமிழ்நாடு முழுவதும் போராட்டங்கள் நடத்துவது என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

இக் கூட்டத்தில், தொழில்சங்க நிா்வாகி தேவபாலன் உள்பட பலா் பங்கேற்றனா்.