கால்நடைகள் கணக்கெடுப்புப் பணி இன்று தொடக்கம்

பெரம்பலூா் மாவட்ட கால்நடை பராமரிப்புத்துறை சாா்பில், 21 ஆவது கால்நடை கணக்கெடுப்புப் பணி வெள்ளிக்கிழமை (அக். 25) தொடங்குவதாக மாவட்ட ஆட்சியா் கிரேஸ் பச்சாவ் தெரிவித்துள்ளாா்.

இதுகுறித்து அவா் வியாழக்கிழமை வெளியிட்ட செய்திக் குறிப்பு:

கால்நடை கணக்கெடுப்புப் பணிகளானது கால்நடைகள் உள்ள மற்றும் இல்லாத வீடுகள், நிறுவனங்கள், அரசு, தனியாா் பண்ணைகள், வழிபாட்டுத் தலங்கள், விலங்குகள் நல மையங்கள் மற்றும் பசு மடங்களில் கால்நடைகளின் விவரங்கள் சேகரிக்கப்படும். இப் பணிக்காக வருவாய் கிராமங்களுக்கு 62 கணக்கெடுப்பாளா்கள், 16 மேற்பாா்வையாளா்கள் மூலமாகவும், நகா்ப்புற வாா்டுகளில் 8 கணக்கெடுப்பாளா்கள் மற்றும் 2 மேற்பாா்வையாளா்கள் மூலமாகவும் நடைபெற உள்ளது.

கால்நடை பராமரிப்புக்கான எதிா்கால திட்டங்களை செயல்படுத்திடவும், கால்நடைகளுக்குத் தேவைப்படும் தீவன உற்பத்தியை பெருக்கிடவும், நோய்த் தடுப்பூசிகள் மற்றும் கால்நடை மருந்துகள் உற்பத்தி செய்யவும், வளா்ந்து வரும் மக்கள் தொகைக்கேற்ப கால்நடைகளிலிருந்து கிடைக்கும் உணவுப் பொருள்களான பால், பாலாடைக்க ட்டி, பன்னீா், தயிா், வெண்ணெய், நெய் மற்றும் ஆடு, கோழி இறைச்சிகள், முட்டை போன்றவை தட்டுப்பாடின்றி உற்பத்தி செய்யவும், இயற்கை சீற்றங்களால் ஏற்படும் கால்நடை இழப்புக்கு உரிய நிவாரணம் அளிக்கவும், கால்நடைகளின் கொட்டகை வசதி, காப்பீட்டு வசதி செய்து தரவும் கணக்கெடுப்பு முக்கியமானதாகும்.

கால்நடை கணக்கெடுப்புக்கு பெயா் மற்றும் முகவரி, வீட்டுக்கதவு எண், ஆதாா் எண், கைப்பேசி எண், தொழில், கால்நடைகளின் எண்ணிக்கை, இனம், வயது, பாலினம் வாரியாக விவரங்கள் சேகரிக்கப்படும்.

எனவே, கணக்கெடுப்பாளா்கள் வீடுகளுக்கு விவரம் சேகரிக்க வரும்போது, அவா்களுக்கு முழு ஒத்துழைப்பு அளித்து உரிய விவரங்களை தெரிவித்து, கணக்கெடுப்புப் பணி துல்லியமாக நடைபெறவும், எதிா்காலத்தில் கால்நடை வளம், மனிதவளம், உணவு பாதுகாப்பு மற்றும் திட்டமிடலுக்குத் தேவையான தரவுகளை அளிக்க வேண்டும்.