சுமைதூக்கும் தொழிலாளர்கள் ஆர்ப்பாட்டம்

புதுக்கோட்டையில் பல்வேறு கோரிக்கைகளை வலியுறுத்தி சுமைதூக்கும் தொழிலாளர்கள் புதன்கிழமை ஆர்ப்பாட்டத்தில் ஈடுபட்டனர்.
 மாவட்ட சுமைப்பணி தொழிலாளர் சங்கத்தின் (சிஐடியு) சார்பில் சின்னப்பா பூங்கா அருகே  நடைபெற்ற ஆர்ப்பாட்டத்திற்கு சிஐடியு மாவட்டத் தலைவர் செல்வராஜ் தலைமை வகித்தார். சுமைப்பணி தொழிலாளர்களுக்கு தனி நல வாரியம் அமைப்பது, முறைசாரா தொழிலாளி இறந்தால் வாரிசுக்கு ரூ.5 லட்சம் வழங்க வேண்டும் என்பது  உள்ளிட்ட  கோரிக்கைகளை வலியுறுத்தி  முழக்கங்கள் எழுப்பினர்.
ஆர்ப்பாட்டத்தில், சிஐடியு  மாநில துணைத்  தலைவர் கிருஷ்ணமூர்த்தி, மாவட்டச் செயலாளர் முகமதலி ஜின்னா, பொருளாளர் அடைக்கலசாமி உள்ளிட்டோர் பங்கேற்றனர்.