கூத்தாடிவயலில் மேல்நிலை நீர்த்தேக்கத் தொட்டி திறப்பு

அறந்தாங்கி ஊராட்சி ஒன்றியத்துக்குள்பட்ட கூத்தாடிவயல் கிராமத்தில் மேல்நிலை நீர்த்தேக்கத் தொட்டியை சட்டப்பேரவை உறுப்பினர் இ.ஏ.ரெத்தினசபாபதி புதன்கிழமை திறந்து வைத்தார். 
அறந்தாங்கி சட்டப்பேரவை உறுப்பினர் தொகுதி மேம்பாட்டு நிதியிலிருந்து ரூ.4.50 லட்சம் மதிப்பில் 30 ஆயிரம் லிட்டர் கொள்ளளவு கொண்ட மேல்நிலை நீர்த்தேக்கத் தொட்டி கட்டப்பட்டது. இந்தத் தொட்டியை  சட்டப்பேரவை உறுப்பினர் இ.ஏ.ரெத்தினசபாபதி பொதுமக்களின் பயன்பாட்டுக்கு திறந்து வைத்தார். அறந்தாங்கி ஊராட்சி ஒன்றிய ஆணையர் எம்.மணிமேகலை, முன்னாள் நகர வங்கித் தலைவர் க.சிவசண்முகம், முன்னாள் மாவட்டக் குழு உறுப்பினர் த.செல்வராஜ், மாங்குடி கூட்டுறவு வங்கித் தலைவர் ராம.பஞ்சநாதன் உள்ளிட்டோர் பங்கேற்றனர்.