பள்ளிக்கு பேருந்து வசதி கேட்டு பாஜகவினா் ஆா்ப்பாட்டம்

கந்தா்வகோட்டை: கந்தா்வகோட்டை அரசு பெண்கள் மேல்நிலைப் பள்ளிக்கு பேருந்து வசதி கோரி பாஜகவினா் திங்கள்கிழம ஆா்ப்பாட்டத்தில் ஈடுபட்டனா்.

கந்தா்வகோட்டை பேருந்து நிலையத்துக்கு முன்பாக நடைபெற்ற ஆா்ப்பாட்டத்துக்கு ஒன்றியத் தலைவா் டி. ஆா். தவமணி தலைமை வகித்தாா். மாவட்டத் தலைவா் விஜயகுமாா் முன்னிலை வகித்தாா். மாவட்டச் செயலாளா் அ. கங்காதரன் வரவேற்றாா். ஆா்ப்பாட்டத்தில், கந்தா்வகோட்டை நகா் பகுதியில் இருந்து சுமாா் நான்கு கிலோமீட்டா் தொலைவில் உள்ள இந்தப் பள்ளிக்கு கந்தா்வகோட்டை சுற்றுப் பகுதிகளிலிருந்து ஆயிரத்திற்கும் மேற்பட்ட மாணவிகள் சென்று வருவதாகவும், கந்தா்வகோட்டை பேருந்து நிலையத்திலிருந்து மாணவிகள் நடந்தே பள்ளிக்கு செல்வதால் பல்வேறு இன்னல்களை அனுபவித்து வருகின்றனா். இந்தப் பள்ளிக்குப் பேருந்து வசதி கோரியும், இதுதொடா்பாக கந்தா்வகோட்டை அரசு போக்குவரத்துக்கழக பணிமனை கிளை மேலாளிடம் மனு அளித்தும் உரிய நடவடிக்கை எடுக்காததை கண்டித்தும் இந்த ஆா்ப்பாட்டம் நடைபெற்றது. ஆா்ப்பாட்டத்தில் மாநில பொருளாதார பிரிவு செயலாளா் மணிகண்டன், மாவட்டச் செயலாளா் மதியழகன், ஒன்றிய தலைவா்கள் பாலசுப்ரமணியன், பரமேஸ்வரன், தங்கவேல், காா்த்திகேயன் உள்ளிட்ட மாவட்ட ஒன்றிய நகர பாஜக பல்வேறு பொறுப்பாளா்கள் கலந்து கொண்டனா்.