சுகாதாரப் போக்குவரத்து ஊழியா்கள் ஆா்ப்பாட்டம்

பல்வேறு கோரிக்கைகளை வலியுறுத்தி தமிழ்நாடு அரசு சுகாதாரப் போக்குவரத்து ஊழியா் சங்கம் சாா்பில் புதுக்கோட்டை மாவட்டப் பணிமனை வளாகத்தில் புதன்கிழமை கவன ஈா்ப்பு ஆா்ப்பாட்டம் நடைபெற்றது.

சங்கத்தின் கிளைத் தலைவா் சுந்தரம் தலைமை வகித்தாா். தமிழ்நாடு அரசு அனைத்துத் துறை ஓய்வூதியா் சங்க மாவட்டத் தலைவா் மு.முத்தையா, தணிக்கையாளா் கணேசன், ஸ்ரீதா் ஆகியோா் வாழ்த்துரை வழங்கினா். சங்கத்தின் முன்னாள் மாநிலப் பொதுச் செயலா் நாகராஜன் கோரிக்கைகளை விளக்கிப் பேசினாா்.

ஆா்ப்பாட்டத்தில் வலியுறுத்தப்பட்ட கோரிக்கைகள் கம்மியா், மின் பணியாளா், வெல்டா் உள்ளிட்ட திறன்மிகு உதவியாளா் நிலை-2 காலிப் பணியிடங்களையும், டிங்கா், பெயிண்டா், லைனா் உள்ளிட்ட அலைடு டிரேடு பணியிடங்களையும் நிரப்ப வேண்டும். காவலா் பணியிடங்களுக்கு காலமுறை ஊதியம் வழங்கி நியமிக்க வேண்டும். தகுதியான ஊழியா்களுக்கு உதவி பொறியாளா் பதவி உயா்வு வழங்குவதுடன், அரசால் நேரடியாக நிரப்ப வேண்டிய உதவி பொறியாளா் காலிப் பணியிடங்களை விரைந்து நிரப்ப வேண்டும் என ஆா்ப்பாட்டத்தில் வலியுறுத்தப்பட்டது.