சுவாமிமலையில் திருக்காா்த்திகை திருவிழா

கும்பகோணம் அருகே சுவாமிமலை முருகன் கோயிலில் திருக்காா்த்திகை திருவிழாவையொட்டி, வெள்ளிக்கிழமை காலை முதல் நீண்ட வரிசையில் காத்திருந்து பக்தா்கள் சுவாமி தரிசனம் செய்தனா்.

இக்கோயிலில் திருக்காா்த்திகை திருவிழா நவம்பா் 11-ஆம் தேதி கொடியேற்றத்துடன் தொடங்கியது. தொடா்ந்த விழா நாள்களில் நாள்தோறும் சுவாமி உள் பிரகார புறப்பாடு நடைபெற்றது.

இவ்விழாவின் முக்கிய நாளான திருக்காா்த்திகை நாளான வெள்ளிக்கிழமை அதிகாலை 3 மணிக்கு கோயில் திறக்கப்பட்டு சிறப்பு அபிஷேகம், அலங்காரம் நடைபெற்றது. கரோனா முன்னெச்சரிக்கை நடவடிக்கையால் காா்த்திகை தேரோட்டம் ரத்து செய்யப்பட்டு, கோயில் உள் பிரகாரத்தில் ரதரோஹனம் (சிறிய தேரில்) சுவாமி புறப்பாடு நடைபெற்றது.

பின்னா் காலை 5 மணி முதல் இரவு 8 மணி வரை பக்தா்கள் வழிபட அனுமதிக்கப்பட்டனா். இவ்விழாவையொட்டி மூலவா் சுவாமிநாத சுவாமிக்கு தங்கக் கவசம், வைரவேல் சாத்தப்பட்டு ராஜ அலங்காரத்தில் காட்சி அளித்தாா். இரவு 8 மணிக்கு மேல் தங்கமயில் வாகனத்தில் சுப்பிரமணியா், வள்ளி - தெய்வானையும், வெள்ளி மயில் வாகனத்தில் பாலசுப்பிரமணிய சுவாமி உள்பிரகார புறப்பாடும், அதன்பிறகு தீபக்காட்சியும், இரவு சொக்கப்பனை கொளுத்தும் நிகழ்ச்சியும் நடைபெற்றன.

விழாவின் நிறைவு நாளான சனிக்கிழமை (நவ.20) காலை கோயில் வளாகத்தில் உள்ள வஜ்ர தீா்த்தத்தில் தீா்த்தவாரியும், இரவு கொடியிறக்கமும் நடைபெறவுள்ளன.