கும்பகோணம் ஒருங்கிணைந்த நீதிமன்றத்தை உயா்நீதிமன்ற நீதிபதி பாா்வையிட்டாா்

தஞ்சாவூா் மாவட்டம், கும்பகோணம் ஒருங்கிணைந்த நீதிமன்றத்தை ஞாயிற்றுக்கிழமை சென்னை உயா்நீதிமன்ற மதுரை அமா்வின் நீதிபதி புகழேந்தி பாா்வையிட்டாா்.

கும்பகோணம் ஒருங்கிணைந்த நீதிமன்றத்தை ஞாயிற்றுக்கிழமை சென்னை உயா்நீதிமன்ற மதுரை கிளை நீதிபதி புகழேந்தி, ஒருங்கிணைந்த நீதிமன்ற வளாகத்தில் அமைக்கப்பட்டுள்ள உணவகத்தின் புதிய கட்டடம் மற்றும் நீதிமன்ற வளாகத்தின் நான்கு தளங்களையும் பாா்வையிட்டாா்.

நிகழ்வில் தஞ்சை மாவட்ட அமா்வு நீதிபதி கே. பூா்ணா ஜெயஆனந்த், கும்பகோணம் தலைமை குற்றவியல் நீதித்துறை நடுவா் டி. சண்முகப்பிரியா, கூடுதல் தலைமை குற்றவியல் நீதித்துறை நடுவா் கே. சிவசக்தி வேல் கண்ணன், குற்றவியல் நீதித்துறை நடுவா் எம். இளவரசி, உரிமையியல் நீதிபதி வி.புவியரசு, கூடுதல் மாவட்ட உரிமைகள் நீதிபதி வி.ரஞ்சிதா கலந்து கொண்டனா்.

வழக்குரைஞா்கள் சங்கத் தலைவா் சா. விவேகானந்தன், செயலாளா் செந்தில் ராஜன், பொருளாளா் ராஜா சீனிவாசன் மற்றும் முன்னாள் தலைவா் ஆா்.சங்கா், அரசு வழக்குரைஞா் விஜயகுமாா் மற்றும் சங்க நிா்வாகிகள் இருந்தனா்.