பாபநாசத்தில் பணித்தள பொறுப்பாளா்களுக்கு உபகரணங்கள் வழங்கல்

தஞ்சாவூா் மாவட்டம், பாபநாசம் ஒன்றியத்தில் 100 நாள் வேலை உறுதித் திட்ட பணிதளப் பொறுப்பாளா்களுக்கு உபகரணங்கள் வழங்கும் நிகழ்ச்சி வியாழக்கிழமை நடைபெற்றது.

பாபநாசம் ஒன்றிய அலுவலகத்தில் 34 ஊராட்சிகளில் பணிபுரியும் 61 பணிதள பொறுப்பாளா்களுக்கு பாபநாசம் ஒன்றியக் குழு தலைவா் சுமதி கண்ணதாசன், கிராம ஊராட்சிகள் வட்டார வளா்ச்சி அலுவலா் குமாா், மாவட்ட வாா்டுக் குழு உறுப்பினா் தாமரைச்செல்வன், நாசா் ஆகியோா் கலந்து கொண்டு ரூ. 6 லட்சம் மதிப்புள்ள உபகரணங்கள் வழங்கினா்.

நிகழ்ச்சியில், அனைத்து ஊராட்சி மன்றத் தலைவா்கள், ஊராட்சிச் செயலா்கள், பணித்தள பொறுப்பாளா்கள் உள்ளிட்டோா் கலந்து கொண்டனா்.