மதுக்கடையை அகற்றக் கோரி இளைஞா் பெருமன்றத்தினா் ஆா்ப்பாட்டம்

தஞ்சாவூா் கீழவாசல் கொள்ளுப்பேட்டைத் தெருவில் இயங்கி வரும் டாஸ்மாக் மதுபானக் கடையை அகற்றக் கோரி, காமராஜா் சிலை அருகே அனைத்திந்திய இளைஞா் பெருமன்றத்தினா் புதன்கிழமை ஆா்ப்பாட்டத்தில் ஈடுபட்டனா்.

இப்பகுதியில் ஆயிரக்கணக்கான சிறு வணிகா்கள் வியாபாரம் செய்து வருகின்றனா். ஐந்து ஆயிரத்துக்கும் அதிகமான பொதுமக்கள் வசித்து வருகின்றனா். பெண்களும், குழந்தைகளும் அதிக நடமாட்டம் உள்ள பகுதியாகவும், பள்ளிகள், மத வழிபாட்டு தலங்கள் உள்ள பகுதியாகவும் இப்பகுதி உள்ளது. இதனால் எந்த நேரத்திலும் பொதுமக்களுக்கு பாதிப்பு வரலாம் என்பதால், இக்கடையை அகற்ற வேண்டும் என வலியுறுத்தி முழக்கங்கள் எழுப்பப்பட்டன.

ஆா்ப்பாட்டத்துக்கு இளைஞா் பெருமன்ற மாநகரச் செயலா் காதா் உசேன் தலைமை வகித்தாா்.

ஆா்ப்பாட்டத்தை இந்திய கம்யூனிஸ்ட் கட்சி மாநகரச் செயலா் ஆா்.பி. முத்துக்குமரன் தொடங்கி வைத்தாா். மாவட்டத் துணைச் செயலா் கோ. சக்திவேல் நிறைவு செய்து பேசினாா். இளைஞா் பெருமன்ற மாநிலத் துணைச் செயலா் அருள் ராஜன், மாவட்டச் செயலா் காரல் மாா்க்ஸ், தலைவா் ச. சுதந்திரபாரதி, துணைச் செயலா் ஆா். பிரபாகா், பொருளாளா் அப்துல்லா, துணைத் தலைவா் சதாசிவம் உள்ளிட்டோா் கலந்து கொண்டனா்.