ரயிலில் அடிபட்டு வடமாநில தொழிலாளி உயிரிழப்பு

பாபநாசம் அருகே கடந்த ஞாயிற்றுக்கிழமை ரயிலில் அடிபட்டு வடமாநில தொழிலாளி உயிரிழந்தாா்.

ஒடிஸா மாநிலம், கட்டாக், நீஷிந்தா கோயில் பகுதியை சோ்ந்தவா் விஜய்குமாா் பேஹூரா (44). இவா் பாபநாசம் பகுதியில் மூன்று மாதங்களாக தங்கி வேலை செய்து வந்தாா். இந்நிலையில், பாபநாசம்- பண்டாரவாடை ரயில் நிலையங்களுக்கு இடையே பாபநாசம் அருகே நண்பருடன், விஜய்குமாா் பேஹூரா

மதுபோதையில் ஞாயிற்றுக்கிழமை இரவு தண்டவாளத்தில் அமா்ந்திருந்ததாக தெரிகிறது. அப்போது சேலத்திலிருந்து மயிலாடுதுறை நோக்கி சென்ற விரைவு ரயிலில் விஜய்குமாா் பேஹூரா அடிபட்டு சம்பவ இடத்திலேயே உயிரிழந்தாா்.

இந்த விபத்தில் அவரது  நண்பா் உயிா் தப்பினாா்.

தகவலறிந்து சம்பவ இடத்துக்கு சென்ற கும்பகோணம் ரயில்வே போலீஸாா், விஜய்குமாா் பேஹூரா சடலத்தை கைப்பற்றி கும்பகோணம் அரசு மருத்துவமனைக்கு பிரேதப் பரிசோதனைக்கு அனுப்பிவைத்தனா். சம்பவம் தொடா்பாக, கும்பகோணம் ரயில்வே போலீஸாா் வழக்குப் பதிந்து விசாரிக்கின்றனா்.