இன்று கரையைக் கடக்கிறது ‘அக்வான்’ புயல்: 1 லட்சத்துக்கும் மேற்பட்டோா் பாதுகாப்பான இடங்களில் தங்கவைப்புகாற்றின் தரம் ‘மோசம்’ பிரிவில் 280 ஆக உயா்வு: நாளைவரை ‘மிக மோசம்’ பிரிவுக்கு செல்ல வாய்ப்பு100 புதிய மின்சார பேருந்துகள் இன்று அறிமுகம்: மொத்த பேருந்துகளின் எண்ணிக்கை 7,000-ஐ தாண்டியது ராகுலை விட ‘ஏஐ’ சிறப்பாகச் செயல்படும்! பாஜக விமா்சனம்இந்தியா்களுக்கு ‘விசா’ சலுகை தொடராது: மலேசியா அறிவிப்பு

சவூதி அரேபியாவில் உயிரிழந்த பட்டுக்கோட்டை செவிலியா் உடலை சொந்த ஊருக்கு கொண்டு வர கோரிக்கை

உயிரிழப்பு - பிரதிப் படம்

Updated On :

சவூதி அரேபியாவில் நேரிட்ட வாகன விபத்தில் உயிரிழந்த பட்டுக்கோட்டை செவிலியா் உடலை சொந்த ஊரான பட்டுக்கோட்டைக்கு கொண்டு வர மத்திய, மாநில அரசுகள் நடவடிக்கை எடுக்க வேண்டும் என அவரது உறவினா்கள் கோரிக்கை விடுத்துள்ளனா்.

பட்டுக்கோட்டை அந்தோணியாா்கோவில் தெருவில் வசித்து வரும் தேவமணி - ஜான்மேரி தம்பதியின் மகள் ஹெப்சிபா (33). இவா், சவூதி அரேபியாவில் உள்ள அரசு மருத்துவமனையில் 2022-ஆம் ஆண்டு முதல் செவிலியராக பணியாற்றி வந்தாா். 2025-ஆம் ஆண்டு கன்னியாகுமரி மாவட்டம், நாகா்கோவிலைச் சோ்ந்த அனீஸ் என்பவரை திருமணம் செய்தாா். அவரும் சவூதி அரேபியாவில் எலக்ட்ரீசியனாக வேலை பாா்த்து வருகிறாா்.

இந்நிலையில், கடந்த 2.10.26 அன்று சவூதி அரேபியாவில் நேரிட்ட வாகன விபத்தில் உயிரிழந்தவா்களில், பட்டுக்கோட்டையைச் சோ்ந்த ஹெப்சிபா (33), கன்னியாகுமரியைச் சோ்ந்த விஜயலட்சுமி (30) , கேரள மாநிலம், கோட்டயம் மாவட்டம், அயா்க்குண்த்தைச் சோ்ந்த ஜெய்சிமோல் மேத்யூ (36) மற்றும் குருமல்லூா் மாவட்டம் அனச்சேரி அஞ்சக்குன்னேலைச் சோ்ந்த ஜோபினா ஜானி (26) மற்றும் வாகன ஓட்டுநா் உள்பட 5 போ் உயிரிழந்தனா்.

மத்திய, மாநில அரசுகள் தீவிர முயற்சி எடுத்து உடலை பட்டுக்கோட்டை கொண்டு வருவதற்கு உதவி செய்ய வேண்டும் என்று ஹெப்சிபாவின் உறவினா்கள் கோரிக்கை விடுத்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.