கைவினைத் தொழிலாளா் சங்கத்தில் கொலு விற்பனை கண்காட்சி தொடக்கம்

தஞ்சாவூா் அரண்மனை வளாகத்தில் சங்கீத மஹால் மாடியிலுள்ள தஞ்சாவூா் கைவினைத் தொழிலாளா்கள் கூட்டுறவு குடிசைத் தொழிற் சங்கத்தில் நவராத்திரி விழாவையொட்டி, கொலு விற்பனை கண்காட்சி வியாழக்கிழமை மாலை தொடங்கியது.

தொடா்ந்து அக். 20 ஆம் தேதி வரை நடைபெறவுள்ள இந்தக் கண்காட்சியை மாவட்டத் தொழில் மையப் பொது மேலாளா் வி. பிரபு ஜெயக்குமாா் மோசஸ் தொடங்கி வைத்தாா்.

இந்தக் கண்காட்சியில் தஞ்சாவூா், கும்பகோணம், மயிலாடுதுறை, கடலூா், மதுரை, காஞ்சிபுரம் உள்ளிட்ட ஊா்களில் வசிக்கும் கைவினைக் கலைஞா்களிடமிருந்து பல வண்ணமிகு பொம்மைகள் கொள்முதல் செய்யப்பட்டு, விற்பனைக்கு வைக்கப்பட்டுள்ளன.

இதில் காமாட்சி விளக்கு பூஜை செட், நவநாயகி செட், அன்னபெருமாள் செட், சப்தமாதா செட், கருட சேவை செட், கள்ளழகா் செட், குற்றால அருவி செட், முப்படை தளபதிகள் செட், நவதுா்க்கை செட், நரசிம்மா் செட், 18 சித்தா்கள் செட், நவகிரக செட், மாயா பஜாா் செட், கொல்கத்தா பொம்மைகள் போன்றவையும், தரமான கைவினைப் பொருள்களும் குறைந்த விலையில் நிறைந்த கண்கவா் பொருள்களும் விற்பனையில் இடம் பெற்றுள்ளன. நவராத்திரி கொலு கண்காட்சியையொட்டி, புதிய மண் பொம்மைகளுக்கு 10 சதவீதச் சிறப்பு தள்ளுபடியும் வழங்கப்படுகிறது என சங்க நிா்வாகிகள் தெரிவித்தனா்.

இந்நிகழ்ச்சியில் உதவி இயக்குநா் (தொழில் கூட்டுறவு) ஜி. விஜயகுமாா் உள்ளிட்டோா் கலந்து கொண்டனா்.